IINDUMISO 53

₁Síthi isidenge entliziyweni yaso, Akukho Thixo.

Bonákalisile, balisikizi ngobugqwetha babo;

Akukho wenza okulungileyo.

₂UThixo esemazulwini uqondele koonyana babantu,

Ukubona ukuba ukho na oqiqayo,

Ofuna uThixo.

₃Bonke babuyé umva, bayimbozisa bephelele;

Akukho wenza okulungileyo,

Akukho nokuba abe mnye.

₄Àbanakwazi na abasebenzi bobutshinga,

Ábathi, bebadla abantu bam, bathi badla isonka,

Bangamnquli uThixo?

₅Apho bánkwantya benkwantyile, phofu kungekho nto inkwantyisayo;

Ngokuba uThixo wawathi saa amathambo omngqingi wakho;

Wabadanisa, ngokuba uThixo ebebacekisile.

₆Akwaba bekuvela eZiyon ukusindiswa kwamaSirayeli!

Ekubuyiseni kukaThixo abantu bakhe ekuthinjweni,

Wógcoba uYakobi, avuye uSirayeli.