Tlhahisoleseding e Nngwe

IINDUMISO 54

Eyokubethelwa ngezinto ezineentambo. Kumongameli. Eyokuqiqa. EkaDavide: ekufikeni kwabaseZifi, bathi kuSawule, UDavide akazimele phakathi kwethu na?

₁Thixo, ndísindise ngegama lakho,

Uligwebe ityala lam ngobugorha bakho.

₂Thixo, yiva umthandazo wam;

Wabekele indlebe amazwi omlomo wam.

₃Ngokuba abasemzini basukela phezulu kum,

Nabanobungqwangangqwili bafuna umphefumlo wam;

Àbammisi uThixo phambi kwabo. (Phakamisani.)

₄Yabona, uThixo ngumncedi wam;

INkosi yam ikwabasekela umphefumlo wam.

₅Úya kubuyisela ububi kwabandilalelayo;

Ngenyaniso yakho bábhangise.

₆Ndiya kubingelela kuwe ngokuqhutywa yintliziyo;

Ndiya kubulela kwigama lakho, Yehova, kuba lilungile.

₇Ngokuba lindihlangule embandezelweni yonke;

Iliso lam libonela iintshaba zam.