1 IZikhronike 9

₁U-Israyeli wonke wabhalwa ngezizukulwane zakhe encwadini yamakhosi akwa-Israyeli. UJuda wathunjelwa eBhabhele ngenxa yeziphambeko zakhe. ₂Abahlala kuqala emizini eyifa labo kwakungu-Israyeli, abaphristi, abaLevi namaNethini.

₃EJerusalema kwakuhlala abakwaJuda, abakwaBhenjamini, nabakwa-Efrayimi, noManase: ₄u-Uthayi ka-Amihudi ka-Omri ka-Imri kaBhani, kwabozalo lukaPherezi kaJuda. ₅KumaShiloni: kwakungu-Asaya, izibulo, namadodana akhe. ₆Kumadodana kaZera: kunguJehuweli nabafowabo, bengama-690. ₇Kumadodana kaBhenjamini: kwakunguSalu kaMeshulamu kaHodaviya kaHasenuwa, ₈u-Ibhineya, indodana kaJerohamu, u-Ela ka-Uzi kaMikhiri, uMeshulamu kaShefathiya kaRehuweli kaJibhiniya, ₉nabafowabo, ngezizukulwane zabo, bengama-956. Bonke laba bantu babeyizinhloko zezindlu zoyise, ngokokhokho babo.

₁₀Kubaphristi: kwakunguJedaya, uJehoyaribi, uJakhini, ₁₁u-Azariya kaHilikiya, kaMeshulamu, kaZadoki, kaMerayothi, ka-Ahithubi, umphathi wendlu kaNkulunkulu. ₁₂No-Adaya kaJerohamu, kaPhashuri, kaMalikhiya, uMahasayi ka-Adiyeli, kaJahizera, kaMeshulamu, kaMeshilemithi, ka-Imeri, ₁₃nabafowabo, beyizinhloko zezindlu zokhokho babo, beyi-1 760, amadoda ahlakaniphile emsebenzini wenkonzo endlini kaNkulunkulu.

₁₄KubaLevi: kwakunguShemaya kaHashubhi, ka-Azirikamu, kaHashabhiya, kwabozalo lukaMerari. ₁₅KunguBhakibhakari, uHereshi, uGalali, uMathaniya kaMikha, kaZikhiri, ka-Asafa, ₁₆u-Obhadiya kaShemaya, kaGalali, kaJeduthuni, uBherekhiya ka-Asa, ka-Elikhana owayehlala emizaneni yamaNethofa.

₁₇Abalindisango kwakunguShalumi, u-Akubhi, uThalimoni, u-Ahimani, nabafowabo; uShalumi wayeyinhloko. ₁₈Kwaze kwaba yileso sikhathi bengabalindi besango lenkosi ngasempumalanga; babengabalindisango benkambu yabozalo lukaLevi. ₁₉UShalumi kaKhore, ka-Ebhiyasafa, kaKhora, nabafowabo bendlu kayise, amaKhorahi; babephethe umsebenzi wenkonzo, bengabalindi bompheme wethabanakeli. Okhokho babo babengabalindisango benkambu kaSimakade. ₂₀UFinehasi, indodana ka-Eleyazare owayebengamele ngesikhathi esidlulileyo, uSimakade wayenaye. ₂₁UZakhariya, indodana kaMeshelemiya wayengumlindisango ethendeni lokuhlangana.

₂₂Bonke ababekhethwe ukuba babe ngabalindisango babengama-212. Babhalwa ngezizukulwane zabo emizaneni yabo. UDavide noSamuweli, umboni, bababeka ezikhundleni zabo. ₂₃Bona nabozalo lwabo babephethe amasango endlu kaSimakade, indlu yethende, beyiqapha. ₂₄Kwakukhona abalindisango ezinhlangothini zozine: ngasempumalanga, entshonalanga, enyakatho, nangaseningizimu. ₂₅Abafowabo emizaneni yabo babengena njalo emveni kwezinsuku eziyisikhombisa, izikhathi ngezikhathi, ukuba babe nabo. ₂₆Abalindi abane abakhulu ababengabaLevi babesesikhundleni njalo, bengamele amakamelo nengcebo endlini kaNkulunkulu. ₂₇Ebusuku babehlala beyizungeza indlu kaNkulunkulu, ngokuba yibona okwakumele bayiqaphe, bayivule futhi ekuseni, imihla ngemihla. ₂₈Abanye babengamele izitsha zenkonzo, ngokuba zazibalwa zingeniswa, zibalwe zikhishwa. ₂₉Abanye babo babebheka impahla, izitsha zonke zendlu engcwele: impuphu, iwayini, amafutha, inhlaka namakha. ₃₀Abanye bamadodana abaphristi babegxoba amakha abe ngamafutha. ₃₁UMathithiya, omunye wabaLevi, owayeyizibulo likaShalumi, umKhorahi, wayenesikhundla sokubheka ukwenziwa kwamakhekhe ayizicaba okuthiwa amaweyifa emabhodweni. ₃₂Abanye abafowabo bamadodana amaKhohathi babengamele izinkwa zokubukwa ukuba bazilungise ngawo wonke amasabatha.

₃₃Abanye abahlabeleli babeyizinhloko zezindlu zoyise zabaLevi, besemakamelweni, bekhululiwe kweminye imisebenzi, ngokuba babesemsebenzini imini nobusuku.

₃₄Labo babeyizinhloko zezindlu zawoyise babaLevi, izinhloko ezizukulwaneni zabo, babehlala eJerusalema.

₃₅EGibheyoni kwakuhlala uyise kaGibheyoni, uJehiyeli; igama lomkakhe kunguMahakha, ₃₆Izibulo lakhe kwakungu-Abhidoni elanywe uZuri, uKhishi, uBhali, uNeri, uNadabi, ₃₇uGedori, u-Ahiyo, uZakhariya, noMikhilothi. ₃₈UMakhilothi wazala uShimeyamu. Wahlala nabafowabo eJerusalema. ₃₉UNeri wazala uKishi; uKishi wazala uSawule; uSawule wazala uJonathani, uMalikhi Shuwa, u-Abhinadaba, no-Eshi Bhali. ₄₀Indodana kaJonathani kwakunguMeribhi Bhali. UMeribhi Bhali wazala uMikha. ₄₁Amadodana kaMikha: kwakunguPhithoni, uMelekhi, uThareya no-Ahazi. ₄₂U-Ahazi wazala uJara; uJara wazala u-Alemethi, u-Azimavethi, uZimri; uZimri wazala uMosa; ₄₃uMosa wazala uBhineya, uRefaya, u-Eleyasa, u-Azeli. ₄₄U-Azeli wayenamadodana ayisithupha, nanka amagama awo: kwakungu-Azirikamu, uBhokheru, u-Ishmayeli, uShehariya, u-Obhadiya noHanani. Bonke laba kwakungamadodana ka-Azeli.