U-Izaya 56

“Gcinani ubulungiswa,

nenze ukulunga,

ngokuba insindiso yami iseduze ukuba ifike,

nokulunga kwami ukuba kwambulwe.

₂Ubusisiwe umuntu oyokwenza lokhu,

nendodana yomuntu eyobambelela kukho,

oyogcina isabatha angalingcolisi,

noyobamba isandla sakhe

ukuba singenzi nayikuphi okubi.”

₃Indodana yowezizwe ezihlanganise noSimakade

mayingathi:

“Impela uSimakade uyakungehlukanisa nabantu bakhe,”

nomthenwa angathi:

“Bheka, ngingumuthi owomileyo.”

“Kubathenwa abagcina amasabatha ami,

nabakhetha engikuthandayo,

nababambelela esivumelwaneni sami;

₅ngiyakubanika endlini yami

naphakathi kwezingange zami

isikhumbuzo negama elihle

kunamadodana namadodakazi;

ngiyakubanika igama eliphakade, elingayukuphela.

₆Nabezizwe abazihlanganisa noSimakade

ukuba bamkhonze,

nokulithanda igama likaSimakade

ukuba babe yizinceku zakhe,

zonke ezigcina isabatha, zingaloni,

nezibambelela esivumelwaneni sami,

₇yebo, nabo ngiyakubayisa entabeni yami engcwele,

ngibathokozise endlini yami yokukhuleka.

Iminikelo yabo yokushiswa

nemihlatshelo yabo

iyokwamukeleka e-althare lami,

ngokuba indlu yami iyakubizwa ngokuthi

iyindlu yokukhuleka yezizwe zonke.”

“Ngisazoqoqela kuye nabanye

ngaphandle kwalaba asebeqoqiwe.”

₉Nina nonke zilwane zasendle,

nani nonke zilwane zasehlathini,

wozani nidle.

₁₀Abalindi bakho bonke ngothi lwabo,

bayizimpumputhe,

abanakwazi;

bonke bayizinja eziyizimungulu,

abakwazi ukukhonkotha,

balala baphuphe;

bathanda ukozela.

₁₁Yebo, bayizinja ezihahayo, abesuthi;

abelusi nabo bonke ngothi lwabo

abanakuqonda,

baphendukele bonke ezindleleni zabo;

yilowo nalowo enzuzweni yakhe.

₁₂Wozani, yikhona ngizoletha iwayini,

sizozigcingca ngophuzo olunamandla;

nengomuso liyakuba njenganamuhla,

libe likhulu kakhulu.