AMahubo 149

₁Haleluya!

Hubelani uSimakade ihubo elisha,

izibongo zakhe, emhlanganweni wabathembekileyo.

₂U-Israyeli makathokoze ngoMenzi wakhe,

abantwana baseZiyoni bethabele iNkosi yabo.

₃Mabadumise igama lakhe ngokusina,

bamhubele ngesigubhu nehabhu,

₄ngokuba uSimakade uyathokoza

ngabantu bakhe abathobekileyo,

ubahlobisa ngensindiso.

₅Abathembekileyo mabathokoze ngokunqoba,

mabahlabelele ngentokozo.

₆Ukuphakamisa uNkulunkulu makube semilonyeni yabo,

baphathe ngesandla inkemba ekhaliphe nhlangothi zombili,

₇ukuze baziphindiselele ezizweni,

bajezise abezizwe.

₈Amakhosi abo bawabophe ngamaketanga,

nabadumileyo babo, ngezibopho zensimbi,

₉ukuze babajezise ngesijeziso esilotshiweyo.

Kuludumo kubo bonke abathembekileyo bakhe.

Haleluya!