AMahubo 3

₁Simakade, ziningi izitha zami.

Baningi abangivukelayo.

₂Baningi abathi ngami:

“Akukho ukukhululwa kwakhe kuNkulunkulu.” Sela

₃Kepha Wena Simakade uyisihlangu kimi,

uludumo lwami nophakamisa ikhanda lami.

₄Ngakhala kuSimakade ngezwi lami;

wangiphendula esentabeni yakhe engcwele. Sela

₅Ngabeka uhlangothi phansi,

ngazunywa ngubuthongo;

ngavuka, ngokuba uSimakade ungisekele.

₆Angiyukuzesaba izindimbane zabantu

abangihaqe nxazonke.

₇Vuka, Simakade,

ngisindise Nkulunkulu wami.

Uzishayile zonke izitha zami emihlathini;

wawawohloza amazinyo ezonakali.

₈Insindiso ingekaSimakade;

isibusiso sakho masibe kubantu bakho. Sela