UZakhariya 13

₁Ngalolo lusuku kuyakuvulwa umthombo oyakuhlanza izono nokungcola kwendlu kaDavide nabakhileyo eJerusalema.

₂USimakade Wamabandla uthi: “Ngalolo lusuku ngiyakushabalalisa amagama ezithombe ezweni, futhi awayukuphinde akhunjulwe; ngiyakususa abaphrofethi nemimoya engcolileyo ezweni. ₃Kuyakuthi uma omunye ephrofetha, uyise nonina abamzalayo bathi kuye: ‘Kufanele ufe, ngokuba uqambe amanga egameni likaSimakade,’ uyise nonina bayakumgwaza esaphrofetha.

₄“Kuyakuthi ngalolo lusuku kube yilowo nalowo mphrofethi abe namahloni ngombono wakhe. Abayukuyigqoka ingubo enoboya ukuze bakhohlise. ₅Uyakuzihlangula athi: ‘Angisiyena umphrofethi, ngingumuntu nje ozilimela umhlabathi, ngokuba ngathengwa ngumuntu othile ngisemncane.’ ₆Omunye uyakumbuza athi: ‘Pho lawa manxeba asezandleni zakho ngawani na?’ Uyakuphendula athi: ‘Lawa manxeba ngawokushaywa ngangisendlini yabangani bami.’ ”