UJoshuwa 19

₁Unkatho lwesibili lwadla uSimeyoni. Isizwana sabozalo lukaSimeyoni ngemindeni yaso ifa laso laliphakathi kwefa labozalo lukaJuda. ₂Ifa laso kwaba yiBheri Sheba, iShebha, iMolada, ₃iHazari Shuwali, iBhala, i-Ezeme, ₄i-Elitholadi, iBhethuli, iHorma, ₅iZikilagi, iBhethi Marikabhothi, iHazari Susa, ₆iBhethi Lebhawothi, neSharuheni. Isiyonke kuyimizi eli-13 nemizana yayo. ₇I-Ayini, iRimoni, i-Ethere, ne-Ashani, kuyimizi emine nemizana yayo, ₈nayo yonke imizana eyayizungeze le mizi kuze kuyofika eBhalathi Bheri, iRama eningizimu. Lokho kwakuyifa lesizwe sakwaSimeyoni ngokwemindeni yaso. ₉Ifa labozalo lukaSimeyoni laliyingxenye yendawo yabozalo lukaJuda, ngokuba ingxenye yabozalo lukaJuda yayinkulu kunaso, ngalokho-ke abozalo lukaSimeyoni bathola ifa labo phakathi kwelabakwaJuda.

₁₀Unkatho lwesithathu lwadla abozalo lukaZebuloni ngokwemindeni yabo. Umngcele wesabelo sabo wawufinyelela eSaridi; ₁₁wenyukele ngasentshonalanga kuze kube seMarala, eDabheshethi, nasemfuleni ongasempumalanga eJokhineyamu, ₁₂ujike eSaridi, ubheke ngasempumalanga lapho kuphuma khona ilanga, uze uyofika emngceleni eKhisilothi Thabhori, usuke lapho ubheke eDabherathi, bese wenyukela eJafiya; ₁₃usuke lapho wedlule ngasempumalanga yeGathi Heferi, uye e-Ethi Khazini, uqhubekele eRimoni, ujikele eNeya. ₁₄Ngasenyakatho, umngcele uyajika ubheke eHanathoni uze uyophelela esigodini i-Ifita Eli; ₁₅naseKhatha, eNahalali, eShimroni, eJidala, naseBhethlehema, leyo mizi ili-12 nemizana yayo.

₁₆Yileso-ke isabelo sabozalo lukaZebuloni ngokwemindeni yabo, leyo mizi nemizana yayo.

₁₇Unkatho lwesine lwadla u-Isakhare, abozalo luka-Isakhare ngemindeni yabo. ₁₈Indawo yabo kwakuyiJizreyeli, iKhesulothi, iShunemi, ₁₉iHafarayimi, iShiyoni, i-Anaharathi, ₂₀iRabhithi, iKhishiyoni, i-Ebhezi, ₂₁iRemethi, i-Eni Ganimi, i-Eni Hada, iBhethi Phazezi; ₂₂umngcele wabo uze ufinyelele eThabhori, eShahazuma, naseBhethi Shemeshi; uze uphele eJordani, imizi eli-16 nemizana yayo. ₂₃Yileso-ke isabelo sesizwe sabozalo luka-Isakhare ngemindeni yabo, le mizi nemizana yayo.

₂₄Unkatho lwesihlanu lwadla abozalo luka-Asheri ngemindeni yabo. ₂₅Umngcele wabo kwakuyiHelikhathi, iHali, iBhetheni, i-Akhishafu, ₂₆i-Alamelekhi, i-Amadi, neMishali; ngasentshonalanga uze ufinyelele eKharimeli naseShihori Libhinathi; ₂₇ujike ubheke empumalanga uye eBhethi Dagoni, uze ufike kwaZebuloni nasesigodini i-Ifitha Eli enyakatho ukuya eBhethi Emekhi naseNeyiyeli, uqhubeke ngasenyakatho ubheke eKhabhuli; ₂₈e-Ebhironi, eRehobhi, eHamoni, eKhana, uze uyofika eSidoni Elikhulu, ₂₉bese umngcele ujika uya eRama, uze uyofinyelela emzini obiyelweyo eThire; umngcele bese ujika uye eHosa, uze uyophela olwandle e-Akhizibhi; ₃₀e-Uma, e-Afekhi, naseRehobhi, imizi enga-20 nemizana yayo.

₃₁Yileso-ke isabelo sesizwana sabozalo luka-Asheri ngemindeni yaso, nemizi nemizana yayo.

₃₂Unkatho lwesithupha lwadla abozalo lukaNafethali ngemindeni yabo.

₃₃Umngcele wabo wawusuka eHelefi kulo i-okhi eZahananimi, e-Adamu Nekhebhi, naseJabhineyeli, uze uyofika eLakhumi; uphele eJordani, ₃₄bese uyajika umngcele ubheke ngasentshonalanga e-Azinothi Thabhori; udlule lapho uye eHukhokhi, uze uyofika kwaZebuloni ngaseningizimu, nakwa-Asheri ngasentshonalanga, nakwaJuda ngaseJordani ngasempumalanga. ₃₅Imizi ebiyelwe kwakuyiZidimi, iZeri, iHamathi, iRakhathi, iKhinerethi, ₃₆i-Adama, iRama, iHazori, ₃₇iKedeshi, i-Edireyi, i-Eni Hazori, ₃₈iJireyoni, iMigidaliyeli, iHoremi, iBhethi Anathi, iBhethi Shemeshi, nemizi eli-19 nemizana yayo. ₃₉Yileso-ke isabelo sesizwana sabozalo lukaNafethali ngemindeni yaso, imizi nemizana yayo.

₄₀Unkatho lwesikhombisa lwadla isizwana sabozalo lukaDani ngemindeni yaso. ₄₁Indawo eyayiyifa laso kwakuyiZora, i-Eshithawoli, i-Iri Shemeshi, ₄₂iShahalabhini, i-Ajaloni, iJithila, ₄₃i-Eloni, iThimna, i-Ekhroni, ₄₄i-Elithekhe, iGibhethoni, iBhalathi, ₄₅iJehudi, iBhene Bherakhi, iGathi Rimoni, ₄₆iMe Jarikhoni, iRakhoni esemngceleni obhekene neJopha.

₄₇Kwathi ukuba abozalo lukaDani balahlekelwe ngumngcele wabo, bakhuphuka balwa neLeshemu, balidla, balibhubhisa ngenkemba, balithatha, bakha kulo, base belibiza iLeshemu ngokuthi yiDani, beliqamba ngegama likaDani uyise. ₄₈Yileso-ke isabelo sesizwana sabozalo lukaDani ngemindeni yaso, imizi nemizana yayo.

₄₉Sebeqedile ukwaba izwe ngokwezizwe, nangokwemingcele yalo, abakwa-Israyeli banika uJoshuwa, indodana kaNuni, ifa lakhe phakathi kwabo. ₅₀Ngokomyalo kaSimakade bamnika umuzi ayewucelile, iThiminathi Sera kwelezintaba kwa-Efrayimi; wawakha kabusha umuzi, wahlala kuwo.

₅₁Yilawo-ke amafa abiwa ngonkatho ngu-Eleyazare, umphristi, uJoshuwa, indodana kaNuni nezinhloko zoyise bezizwana zabantu bakwa-Israyeli eShilo, phambi kukaSimakade, emnyango wethende lokuhlangana. Ngakho-ke baqeda ukwehlukanisa izwe.