INumeri 33

₁Nansi indlela abantu bakwa-Israyeli abahlelwa ngayo ngokwamathimba abo, ngesikhathi bephuma eGibhithe beholwa nguMose no-Aroni. ₂UMose waloba ngohambo lwabo lapho besuka khona, nalapho babekanisa khona njengesiyalezo sikaSimakade. Nanka amabanga abo njengokuhamba kwabo.

₃Basuka eRamesesi ngenyanga yokuqala ngosuku lwe-15 lwayo; ngosuku olulandela olwephasika. Abakwa-Israyeli baphuma ngendumiso bebuka bonke abaseGibhithe. ₄AbaseGibhithe babesangcwaba amazibulo abo ayebulawe nguSimakade. USimakade wayebehlulela nonkulunkulu babo.

₅Abakwa-Israyeli basuka-ke eRamesesi, bakanisa eSukhothi.

₆Basuka eSukhothi, bakanisa e-Ethamu eligudle ihlane.

₇Basuka e-Ethamu, babuyela ePhi Hahirothi elingaphambi kweBhali Zefoni; bakanisa phambi kweMigidoli.

₈Basuka eHahirothi, badabula phakathi kolwandle, baya ehlane. Bahamba ibanga lezinsuku ezintathu ehlane i-Ethamu, bakanisa eMara.

₉Basuka eMara, bafika e-Elimi; e-Elimi kwakunemithombo yamanzi eli-12 namasundu angama-70; bakanisa khona.

₁₀Basuka e-Elimi, bakanisa ngasoLwandle Lomhlanga.

₁₁Basuka oLwandle Lomhlanga, bakanisa ehlane iSini.

₁₂Basuka ehlane iSini, bakanisa eDofika. ₁₃Basuka eDofika, bakanisa e-Alushi.

₁₄Basuka e-Alushi, bakanisa eRefidimi, lapho kwakungekho manzi okuba abantu baphuze.

₁₅Basuka eRefidimi, bakanisa ehlane iSinayi.

₁₆Basuka ehlane iSinayi, bakanisa eKibhirothi Hathava.

₁₇Basuka eKibhirothi Hathava bakanisa eHazerothi.

₁₈Basuka eHazerothi, bakanisa eRithima.

₁₉Basuka eRithima, bakanisa eRimoni Pherezi.

₂₀Basuka eRimoni Pherezi, bakanisa eLibhina.

₂₁Basuka eLibhina, bakanisa eRisa.

₂₂Basuka eRisa, bakanisa eKehelatha.

₂₃Basuka eKehelatha, bakanisa entabeni iSheferi.

₂₄Basuka entabeni iSheferi, bakanisa eHarada.

₂₅Basuka eHarada, bakanisa eMakelothi.

₂₆Basuka eMakelothi, bakanisa eThahathi.

₂₇Basuka eThahathi, bakanisa eThera.

₂₈Basuka eThera, bakanisa eMithika.

₂₉Basuka eMithika, bakanisa eHashimona.

₃₀Basuka eHashimona, bakanisa eMoserothi.

₃₁Basuka eMoserothi, bakanisa eBhene Jahakani.

₃₂Basuka eBhene Jahakani, bakanisa eHori Hagidigadi.

₃₃Basuka eHori Hagidigadi, bakanisa eJothabatha.

₃₄Basuka eJothabatha, bakanisa e-Abhrona.

₃₅Basuka e-Abhrona, bakanisa e-Esiyoni Gebheri.

₃₆Basuka e-Esiyoni Gebheri, bakanisa eKadeshi elisehlane iSini.

₃₇Basuka eKadeshi, bakanisa entabeni iHori ngasemngceleni wakwa-Edomi. ₃₈U-Aroni, umphristi, wakhuphukela entabeni iHori ngokwesiyalezo sikaSimakade. Wafike wafela khona ngonyaka wama-40, emveni kokuphuma kwabakwa-Israyeli eGibhithe, ngenyanga yesihlanu ngosuku lokuqala lwayo. ₃₉U-Aroni wayeseneminyaka eyi-123 lapho efela entabeni iHori.

₄₀UmKhanani, inkosi yase-Aradi, owayehlala eningizimu eKhanani, wezwa ngokufika kwabantu bakwa-Israyeli.

₄₁Basuka entabeni iHori, bakanisa eZalimona.

₄₂Basuka eZalimona, bakanisa ePunoni.

₄₃Basuka ePunoni, bakanisa e-Obhothi.

₄₄Basuka e-Obhothi, bakanisa e-Iye Abharimi emngceleni kwaMowabi.

₄₅Basuka e-Iyimi, bakanisa eDibhoni Gadi.

₄₆Basuka eDibhoni Gadi, bakanisa e-Alimoni Dibhilathayimi.

₄₇Basuka e-Alimoni Dibhilathayimi, bakanisa ezintabeni i-Abharimi, phambi kweNebho.

₄₈Basuka ezintabeni i-Abharimi, bakanisa emathafeni kwaMowabi ngaseJordani, phesheya kweJerikho.

₄₉Bakanisa ngaseJordani kusukela eBhethi Jeshimothi kuze kufike e-Abhela Shithimi emathafeni kwaMowabi.

₅₀USimakade wakhuluma kuMose emathafeni kwaMowabi ngaseJordani, phesheya kweJerikho, wathi: ₅₁“Khuluma kwabakwa-Israyeli, uthi kubo: ‘Uma niwela iJordani ukuba ningene eKhanani, ₅₂niyakuxosha bonke abakhileyo ezweni phambi kwenu, nibhubhise yonke imifanekiso yabo, nibulale zonke izithombe zabo ezibunjiweyo, nibhidlize zonke izindawo zabo eziphakemeyo. ₅₃Izwe niyakulidla, nihlale kulo, ngokuba ngininike lona ukuba nilidle. ₅₄Niyakulidla izwe ngonkatho, ngokwemindeni yakini, abaningi niyakubabela ifa elikhulu, nabayingcosana nibabele ifa elincane, noma kuphi lapho unkatho lumudla khona umuntu, kuyakuba ngelakhe; niyakulidla ifa ngokwezizwana zoyihlo.

₅₅“ ‘Kepha uma ningabaxoshi abantu balelo lizwe phambi kwenu, eniyobashiya bayoba ngameva emehlweni enu nanjengezincijo ezinhlangothini zenu, bayonihlupha ezweni enihlala kulo. ₅₆Ngiyokwenza kini lokho engangihlose ukukwenza kubo.’ ”