AMahubo 36

₁Isiphambeko sithi komubi,

ekujuleni kwenhliziyo yaso:

“Akukho ukwesaba uNkulunkulu

phambi kwamehlo akhe.”

₂Ngokuba ukonakala kwakhe kuyamyenga,

ukuze kungafunyanwa okumenza azondwe.

₃Akusho ngomlomo wakhe wukona nenkohliso,

ukuyekile ukwenza ukuhlakanipha nokwenza okuhle.

₄Ulele ecansini, uceba ububi,

uzimisele ngendlela engalungile,

akakwenyanyi okubi.

₅Simakade, umusa wakho ufinyelela emazulwini,

ukwethembeka kwakho kufika emafwini.

₆Ukulunga kwakho kunjengezintaba ezinkulu,

ukwehlulela kwakho kunjengotwa olujulile.

Simakade, usindisa abantu nezilwane ngokufanayo.

₇Umusa wakho uligugu, Nkulunkulu!

Bonke abantu baphephela

phansi komthunzi wamaphiko akho.

₈Bazitika ngokumtoti okusendlini yakho,

ubaphuzise emfuleni wokuthokoza kwakho.

₉Ngokuba umthombo wokuphila ukuwe,

ukukhanya sikubona ekukhanyeni kwakho.

₁₀Mawuqhubeke njalo umusa wakho

kulabo abakwaziyo,

nokulunga kwakho kwabaqotho ngenhliziyo.

₁₁Unyawo lozidlayo lungifihlize,

noma isandla somubi singixoshe.

₁₂Bheka, abenzi bobubi bawile,

baqunjwe phansi, abaseyukuvuka.