AMAHUBO 1

₁Ubusisiwe umuntu ongahambi ngeziluleko zababi,

ongemi endleleni yezoni,

ongahlali enkundleni yabaklolodayo,

₂kepha okuthokoza kwakhe kusemthethweni kaJehova,

ozindla ngomthetho wakhe imini nobusuku.

₃Unjengomuthi otshaliwe ngasemifuleni yamanzi,

othela isithelo sawo ngesikhathi sawo,

oqabunga lawo lingabuni,

nakho konke akwenzayo uyakuba-nenhlanhla kukho.

₄Ababi abanjalo,

kepha banjengamakhoba aphephethwa ngumoya.

₅Ngalokho ababi abayikuma ekwahlulelweni,

nezoni ebandleni labalungileyo.

₆Ngokuba uJehova uyayazi indlela yabalungileyo,

kodwa indlela yababi yobhubha.