ISAHLUKO 29

₁UDAVIDA inkosi wa ti, kuyo yonke inhlangano, uSolomona indodana yami uTixo a m ketileyo yedwa, u se mncane, u tambile, umsebenzi mkulu, ngokuba itempeli a si lo e lomuntu e lika Jehova uTixo.

₂Ngi lungisile indhlu ka Tixo wami, ngamandhla ami onke, igolide lo kwegolide isiliva lo kwesiliva netusi lo kwetusi nensimbi yo kwensimbi, nemiti yo kwemiti, amatye eshohamu na wokufakwa, namatye a kazimulayo na nemibala eminingi, nezinhlobo zonke zamatye amahle, namhlope amaningi.

₃Futi ngokuba ngi ya tokoza ngendhlu ka Tixo wami, ngi nemfuyo yegolide nesiliva, e ngi ku nikeleyo endhlini ka Tixo wami oku pezu kwako konke e ngi ku lungisele indhlu e ingcwele.

₄Amatalenta a izinkulungwane ezintatu egolide la seOfire, namatalenta a izinkulungwane ezi isikombisa esiliva eli colisisekileyo, lokuhuqa izindonga zezindhlu;

₅Igolide lo kwegolide nesiliva lo kwesiliva nokomsebenzi wonke wezandhla zezinyanga. Ubani o vumayo namhla ukugcwalisela uJehova izandhla zake na?

₆Konake amakosana ezindhlu, namakosana ezizwe za kwa Israeli, nezinduna zezinkulungwane nezamakulu kanye nababusi bomsebenzi wenkosi ba nikela ngokuvuma.

₇Ba nikela enkonzweni yendhlu ka Tixo amatalenta a izinkulungwane ezi isihlanu egolide namadarike a izinkulungwane ezi ishumi namatalenta a izinkulungwane ezi ishumi esiliva namatalenta a izinkulungwane ezi ishumi nashiyagalombili etusi, namatalenta a izinkulungwane ezi ikulu ensimbi.

₈Aba be nawo amatye amahle ba wa nikela emfuyweni yendhlu ka Jehova, ngesandhla sika Jehieli umGershoni.

₉Abantu ba jabula, ngokuba ba be vuma ukunikela ngenhliziyo e peleleyo kuJehova, uDavida inkosi wa tokoza kakulu futi.

₁₀uDavida wa bonga uJehova pambi kwenhlangano yonke uDavida wa ti, Ma u bongwe Jehova Tixo ka Israeli ubaba ku ze ku be nini na nini.

₁₁Obako Jehova ubukulu, namandhla, nobuhle, nobumnandi, nobukosi; ngokuba konke oku sezulwini noku semhlabeni, ku okwako, umbuso u ngo wako Jehova, u pakeme u inhloko pezu kwako konke.

₁₂Ukuceba nodumo ku vela kuwe u ku busa konke; esandhleni sako, ku kona amandhla nokwahlula, ku sesandhleni sako ukukulisa konke, ku be namandhla.

₁₃Tixo wetuke si ya kubonga, si ya li dumisa igama lako lobukosi.

₁₄Ngi ubani mina nabantu bami ba ini, ukuba si be namandhla okunikela ngokuvuma kanje na? Ngokuba konke ku vela kuwe, si ku nike okwesandhla sako.

₁₅Tina si abafo pambi kwako nabahambi njengobaba betu bonke, izinsuku zetu emhlabeni zi njengetunzi, aliko itemba.

₁₆Jehova Tixo wetu yonke lempahla e si yi lungisele ukwakela igama lako eli ingcwele indhlu i vele esandhleni sako, e yako yonke.

₁₇Ngi yazi Tixo wami, ukuba u ya i hlola inhliziyo, u tokoze ngokulunga. Mina ngokulunga kwenhliziyo yami, ngi ku nikele konke loku ngokuvuma, nabantu bako aba kona, ngi ba bonile, ngokujabula, be nikela ngokuvuma kuwe.

₁₈Jehova Tixo ka Abrahama noIsaka noIsraeli; obaba betu, ku gcine loku ezizindhlweni zemicabango yenhliziyo yabantu bako, ku ze ku be pakade u mise inhliziyo yabo kuwe.

₁₉U nike indodana yami uSolomona inhliziyo epeleleyo, ukugcina imiyalo yako, nemiteto yako, nezimemezelo zako, nokwenza konke nokwaka itempeli e ngi li lungiseleyo.

₂₀uDavida wa ti kuyo yonke inhlangano, M bongenike uJehova uTixo wenu; Inhlangano yonke ya m bonga uJehova uTixo wa oyise; ba goba amakanda abo ba kotama kuJehova, na senkosini.

₂₁Ba m hlabela uJehova, ba m nikela iminikelo yokutya kuye, nga ngomuso izinkunzi ezi inkulungwane, nezinqama ezi inkulungwane namacwane a inkulungwane; neminikelo yabo yokupuza, nemihlatyelo eminingi ka Israeli wonke.

₂₂Ba dhla ba puza pambi kuka Jehova ngalolosuku ngenjabulo enkulu, ngokwesibili benza uSolomona indodana ka Davida a be inkosi ba m gcobela uJehova ukuba a be umbusi, noZadoki a be umpristi.

₂₃uSolomona wa hlala esihlalweni sobukosi sika Jehova e inkosi, esikundhleni sika Davida uyise wa ba nenhlanhla, uIsraeli wonke wa m lalela.

₂₄Amakosana onke, namaqawe, namadodana onke enkosi uDavida, a zi toba ku Solomona inkosi.

₂₅uJehova wa m kulisa uSolomona kakulu emehlweni abaIsraeli bonke, wamamkelisa ubukosi bombuso, o bu nga zange bu be kona enkosini ya kwa Israeli ngapambili kwake.

₂₆uDavida indodana ka Jese wa busa pezu kuka Israeli wonke.

₂₇Isikati a busa ngaso, pezu kuka Israeli wonke, sa ba iminyaka e amashumi amane; eHebroni wa busa iminyaka e isikombisa; eJerusalema wa busa iminyaka e amashumi amatatu nantatu.

₂₈Wa fa, e semdala, e neminyaka eminingi, e nengcebo nodumo; uSolomona indodana yake wa busa esikundhleni sake.

₂₉Imisebenzi ka Davida inkosi, e yokuqala neyokugcina, bheka i baliwe encwadini ka Samueli umprofeti, na sencwadini ka Natani umprofeti, na sencwadini ka Gadi umprofeti.

₃₀Kanye nokubusa kwake konke namandhla ake, nezikati e za m dhlulayo, noIsraeli, nemibuso yonke yamazwe.