ISAHLUKO 13

₁NOMA ngi kuluma ngezilimi zabantu nezezingelosi, ngi nge nalo utando, ngi itusi elikencezayo, nensimbi encencetayo.

₂Noma ngi nokuprofeta, ngi qonda imfihlakalo yonke nokwazi konke; noma ngi nokukolwa konke, kokuba ngi suse izintaba, ngi nge nalo utando, a ngi into yaluto.

₃Noma ngi nika konke engi nako, ngi babele abampofu ukudhla; noma ngi nikela umzimba wami u tyiswe, ngi nge nalo utando, ku nge ngi size.

₄Utando lu ya bekezela, lu mnene; utando a lu namona; utando a lu zidumisi, a lu zikukumezi;

₅A lwenzi okungafanele a lu zifuneli okwalo, a lu nalulaka, a lu zindhlekeli okubi;

₆A lu tokozi ngokungalungile, kepa lu tokoza ngesiminya;

₇Lu zitulela izinto zonke, lu kolwa izinto zonke lwetemba izinto zonke, lu bekezela izinto zonke.

₈Utando lu nge ze lwa nqamuka; kepa noma ku kona ukuprofeta, ku za kupela; noma ku kona izilimi, zi ya kunqamuka, noma ku kona ukwazi ku ya kunyamalala.

₉Ngokuba si yazi nganxanye, si profeta nganxanye.

₁₀Kepa nxa se ku fikile okupeleleyo, kona ku za kupela okungapelele.

₁₁Lapo ngi se umntwana, nga kulumisa okomntwana, ngazisa okomntwana, nga zindhlisa okomntwana; kepa lapa se ngi indoda, nga yeka okobumntwana.

₁₂Ngokuba manje si bona esibukweni kalufifi; kepa lapo ubuso bo bukana nobuso; manje ngazi nganxanye; kepa lapo ngi ya kwazi njengokuba ngaziwa.

₁₃Njalo ku kona ukukolwa, ukwetemba, utando, loku kokutatu; kepa okukulu ku utando.