ISAHLUKO 30

₁UHEZEKIA wa tumela kubo bonke abaIsraeli nabaJuda, wa loba nezincwadi kuEfraimi noManasa, ukuba ba fike, endhlini ka Jehova eJerusalema, ukugcina ipasika kuJehova uTixo ka Israeli.

₂Ngokuba inkosi ya kuluma nezikulu zayo, nesixuku sonke eJerusalema, ukugcina ipasika ngenyanga yobubili.

₃Ngokuba ba be nge nakugcina nga lesosikati, ngokuba abapristi ba be nga ka zigcobile kahle, nabantu ba be nga ka butaneli eJerusalema.

₄Into leyo ya i jabulisa inkosi nesixuku sonke.

₅Benzake umteto, kwa menyezelwa kubaIsraeli bonke kwa suka eBeresheba kwa za kwa seDani, ukuba ba fike benze ipasika kuJehova uTixo ka Israeli, eJerusalema; ngokuba kwa se ku isikati esikati be nga kwenzanga loko njengokulotyiweyo.

₆Ngako izigijimi za hamba nezincwadi ezi puma enkosini nezikulu zayo, kubo bonke abaIsraeli nabaJuda, njengesiyalezo senkosi, i ti, Nina baka Israeli, buyelani kuJehova uTixo ka Abrahama, noIsaka, noIsraeli, naye u ya kuibuyela insali yenu, e punyukileyo esandhleni samakosi akwa Asiria.

₇Ni nga bi njengoyihlo benu, nabazalwane benu, abonileyo kuJehova uTixo wa oyise babo, no wa ba citayo, njenga loku ni bona nani.

₈Ni nga bi ntamo lukuni, njengoyihlo, kodwa zinikeni kuJehova, ni ngene endhlini yake, a yenze ngcwele ku ze ku be pakade; ni konze uJehova uTixo wenu, ukuba ulaka lwake olukulu lu ni shiye.

₉Ngokuba uma ni buyela kuJehova futi, abafo wenu nabantwana benu, ba ya kuba haukela bona aba be benza izibotywa, ba buye ba ngene ezweni leli; ngokuba uJehova uTixo wenu u lungile u nomusa, a ka yi ku ni pendulela ubuso, uma ni buyela kuyena.

₁₀Ngako izigijimi za hamba kuyo yonke imizi ezweni lakwa Efraimi noManasa, za ze za fika eZebuloni; kodwa ba zi hleka usulu, ba zi lingisa.

₁₁Noko abanye bakwa Asheri, noManasa, noZebuloni, ba zitobisa, ba fika eJerusalema.

₁₂Futi eJuda isandhla sika Jehova sa si kona ukubanika inhliziyo inye ukusenza isiyalezo senkosi ne sezikulu zayo, ngezwi lika Jehova.

₁₃Kwa butana eJerusalema abantu abaningi ukwenza ukudhla kwesinkwa esingakukumele ngenyanga yobubili, isixuku esikulu kakulu.

₁₄Ba vuka ba wa susa amalati a seJerusalema, namalati onke empepo ba wa susa, ba wa ponsa emfuleni iKidroni.

₁₅Ba li bulala ipasika ngosuku lweshumi nane, lwenyanga yobubili; nabapristi namaLevi ba be nenhloni, ba zigcoba, ba ngenisa izipo ezityisweyo endhlini ka Jehova.

₁₆Bema endaweni yabo njengokuma kwabo, njengomteto ka Mosi umuntu ka Tixo; abapristi ba fafaza igazi, aba lamkele ezandhleni zamaLevi.

₁₇Ngokuba ba be baningi esixukwini aba be nga gcotyiwe; ngako amaLevi a e ba sebenzela bonke aba be ngcolile ekubulaleni ipasika, ukuba ba gcotyelwe uJehova.

₁₈Ngokuba iningi labantu, baka Efraimi, noManasa, noIsaka, noZebuloni, ba be nga ka zihlanzi, noko ba li dhla ipasika njengokulotyiweyo. Kodwa uHezekia wa ba tandazela, e ti, uJehova olungileyo ma ka ba yekele bonke.

₁₉Abalungisela izinhliziyo zabo ukufuna uTixo, uJehova uTixo wa oyise babo, noko e nga hlanziwe njengokulunga kwendhlu e ingcwele.

₂₀uJehova wa m lalela uHezekia, wa ba sindisa abantu.

₂₁Nabakwa Israeli aba be seJerusalema ba kwenza lokokudhla oku nge nambiliso izinsuku ezi isikombisa ngokujabula okukulu; namaLevi nabapristi ba dumisa uJehova ngezinsuku zonke, be gwaba ngezingumbu ezi namandhla kuJehova.

₂₂uHezekia wa kuluma kahle kuwo onke amaLevi a fundisa ukwazi kuka Jehova okulungileyo; ba dhla ku loko kudhla izinsuku ezi isikombisa, be nika izipo zokutula, be zi bika kuJehova uTixo wa oyise babo.

₂₃Sonke isixuku sa vumelana ukuhlalela ezinye izinsuku ezi isikombisa; ba zi hlalela ngenjabulo.

₂₄Ngokuba uHezekia inkosi ya kwa Juda wa si nika isixuku izinkabi ezi inkulungwane, nezinqama ezi izinkulungwane ezi isikombisa; nezikulu za si nika isixuku izinkabi ezi inkulungwane, nezimvu ezi izinkulungwane ezi ishumi; nabapristi abaningi ba zigcoba.

₂₅Naso sonke isixuku sakwa Juda, kanye nabapristi namaLevi, nesixuku sonke e sa puma eIsraeli, nabezizwe aba puma ezweni lakwa Israeli, na ba be hlezi eJuda, ba jabula.

₂₆Kwa ba kona injabulo enkulu eJerusalema; ku i loku kwenzakala esikatini sika Salomona indodana ka Davida inkosi yakwa Israeli.

₂₇Ba vukake abapristi amaLevi ba busisa abantu; nezwi labo lezwakala, nomtandazo wabo wa kupukela endaweni yake e ingcwele yokuhlala, ezulwini.