ISAHLUKO 8

₁WA shumayela uElisha kulomfazi, indodana yake a i vusayo i file, wa ti, Suka u hambe wena nendhlu yako, u hlale lapo u nga hlala kona; ngokuba uJehova u se memezile ukuti, Ma i be kona indhlala; njalo i za kuba kona ezweni iminyaka e isikombisa.

₂Wa suka lomfazi, wenza njengokutyo komuntu ka Tixo, wa hamba yena nendhlu yake, wa hlala ezweni lamaFilisti iminyaka e isikombisa.

₃Kwa ti, ekupeleni kweminyaka e isikombisa, umfazi wa buya ezweni lamaFilisti; wa puma wa ya ukunxusa enkosini, ngenxa yendhlu yake, na ngenxa yezwe lake.

₄Inkosi ya kuluma noGehazi inceku yomuntu ka Tixo, ya ti, A ku ngi tyele zonke izinto ezinkulu a zenzayo uElisha.

₅Kwa ti, e sa yi tyela inkosi ukuba wa be e vusile umuntu ofileyo, bheka, lomfazi indodana yake a be i vusile ekufeni, wa nxusa enkosini ngenxa yendhlu yake, na ngenxa yezwe lake. uGehazi wa ti, Nkosi yami, nkosi ya kiti, nangu lomfazi, nansi nendodana yake, uElisha a i vusayo ekufeni.

₆Kwa ti lapo inkosi ya m buza umfazi, wa i tyela, kona inkosi ya m misela induna e tile, ya ti, Buyisa konke okwake, nokwavunwa emasimini ake, iloku wa suka ezweni, ku ze ku be namhla.

₇uElisha we za eDamaseku; inkosi ya seSiria uBenhadade ya gula; ya tyelwa ukuti, Umuntu ka Tixo u fikile kona lapa.

₈Inkosi ya ti kuHazaeli, Hamba nesipo esandhleni sako, u ye u m hlangabeze lomuntu ka Tixo u buze kuJehova ngaye, u ti, Ngi ya kusinda ku lesisifo na?

₉Njalo uHazaeli wa ya ukumhlangabeza e hamba nesipo sako konke okuhle kwa seDamaseku, imitwalo yamakamelo a ngamashumi amane, we za wema pambi kuka Elisha, wa ti, Indodana yako uBenhadade inkosi ya seSiria u ngi tumile kuwe, u ti, Ngi ya kusinda ku lesisifo na?

₁₀uElisha wa ti kuye, Hamba u ti kuye, U nga sinda kambe, kepa uJehova u ngi bonisile ukuba u za kufa nokufa.

₁₁Wa m gqolozela, kwa za kwa pela amandhla; umuntu ka Tixo wa lila.

₁₂uHazaeli wa ti, Inkosi yami i lilelani na? Wa ti, Ngokuba ngi yazi usizi o za kulwenza kuyo inzalo ka Israeli. Imizi yayo u ya kuityisa ngomlilo, izinsizwa zayo u ya kuzibulala ngezinkemba, izingane zayo u ya kuzipohloza, abafazi bayo abamitiyo, u ya kubaqaqa.

₁₃Wa ti uHazaeli, Injani inceku yako, ukuze yenze lento enkulu na? Wa ti uElisha, uJehova u ngi bonisile ukuba u za kuba inkosi wena eSiria.

₁₄Njalo wa suka kuElisha, we za enkosini yake; ya ti kuye, uElisha wa tini kuwe na? Wa ti kimi, u ya kusinda.

₁₅Kwa ti ngangomso, wa tata indwangu wa i cwilisa emanzini, wa i mboza ubuso bayo, ya fa; uHazaeli wa ba inkosi esikundhleni sayo.

₁₆Ngomnyaka wesihlanu ka Joramu indodana ka Ahabi inkosi yabaIsraeli, uJehoshafati e inkosi yabaJuda, uJehoramu indodana ka Jehoshafati inkosi yabaJuda wa ba inkosi.

₁₇Wa qala ukubusa e neminyaka e ngamashumi amatatu nambili; wa busa iminyaka e isishiyagalombili eJerusalema.

₁₈Wa fuza amakosi abaIsraeli, njengendhlu ka Ahabi; ngokuba umkake wa e indodakazi ka Ahabi; wenza kabi emehlweni ka Jehova.

₁₉Kepa uJehova wa e nga tandi ukubacita abaJuda, ngenxa ka Davida inceku yake, njengokutyo kwake kuye ngokuti u za kumnika ukukanya, yena nenzalo yake, ku ze ku be njalo.

₂₀Emihleni yake amaEdomi a hlubuka kubaJuda, a zimisela inkosi.

₂₁uJoramu wa ya eZaira, nazo izinqola zake zonke; wa suka ebusuku, wa wa bulala amaEdomi a mzungezayo, nezinduna zezinqola; abantu ba baleka, ba ya ematenteni abo.

₂₂Kepa amaEdomi a hlubukile kubaJuda, ku ze ku be namhlanje. Kona nga lesosikati ba hlubuka aba seSiria futi.

₂₃Imisebenzi eminye ka Joramu, nako konke a kwenzayo, ka ku lotyiwe yini encwadini yemisebenzi yemihla ngemihla yamakosi abaJuda na?

₂₄uJoramu wa lala nokoko bake, wa mbelwa nokoko bake emuzini ka Davida; uAhazia indodana yake wa ba inkosi esikundhleni sake.

₂₅Ngomnyaka weshumi nambili ka Joramu indodana ka Ahabi inkosi yabaIsraeli, uAhazia indodana ka Jehoramu inkosi yabaJuda wa ba inkosi.

₂₆Ekuqaleni kwake ukubusa uAhazia wa e neminyaka engamashumi amabili; wa busa umnyaka wa ba munye eJerusalema. Igama lika nina la li nguAtalia indodakazi ka Omri, inkosi yabaIsraeli.

₂₇Wa fuza indhlu ka Ahabi wenza okubi emehlweni ka Jehova njengayo indhlu ka Ahabi, ngokuba wa e umkwenya wendhlu ka Ahabi.

₂₈Wa ya kanye noJoramu indodana ka Ahabi ukuhlasela kuHazaeli inkosi ya seSiria eRamote Giladi; amaSiria a m kubaza uJoramu.

₂₉Inkosi uJoramu wa buya ukuba elatywe eJezreli amanxeba ake, loku wa be kutyaziwe ngamaSiria eRama, ekulweni kwake noHazaeli inkosi ya seSiria. uAhazia indodana ka Jehoramu inkosi yabaJuda wehla wa ya eJezreli ukumbona uJoramu indodana ka Ahabi, ngokuba wa wa e gula.