ISAHLUKO 7

₁NGONYAKA wokuqala ka Belshazari inkosi ya seBabulona, uDanyeli wa bona ipupo, nezibonakalo zekanda lake okukweni lwake, lapa wa loba ipupo, wa tyela isihloko sezindaba.

₂uDanyeli wa kuluma, wa ti, Nga be ngi bona esibonakalweni sami ebusuku, bhekake imimoya emine yezulu ya i vunguzela pezu kolwandhle olukulu.

₃Za ti izilo ezine ezikulu za pupuma elwandhle, za zi hlukana esinye kwesinye.

₄Esokuqala njengengonyama si be namapiko enqe, nga be ngi bheka a ze a hlutwa amapiko aso; sa ti sa pakanyiswa pezu komhlaba, sa miswa ngezinyawo njengomuntu, sa piwa inhliziyo yomuntu.

₅Bhekake isilo esinye sesibili, si fana nebere, sa miswa ohlangotini olunye; sa ba nezimbambo ezintatu emlonyeni waso pakati kwamazinyo aso; ba tyo njalo bona kuso; Suka u dhle inyama eningi.

₆Emva kwa loku nga be ngi bona, bhekake esinye si njengengwe, si be namapiko amane enyoni emhlana waso, namakanda amane a be sesilweni, nokubusa kwa piwa kuso.

₇Emva kwa loku nga be ngi bona ezibonakalweni zobusuku; bhekake isilo sesine esi sabekayo esi namandhla esadhlula kakulu; sa si namazinyo amakulu ensimbi, sa dhla sa fohloza, sa nyatela okuseleyo ngezinyawo zaso; sona sa hlukana nezilo zonke e zi be pambi kwaso, sa si nezimpondo ezi ishumi.

₈Nga be ngi bhekisisa izimpondo, bhekake, kwa puma pakati kwazo upondo olunye oluncinane; za ti ezintatu izimpondo zokuqala za donyulwa pambi kwaso; bhekake, opondweni lolu a be kona amehlo njengamehlo omuntu, nomlomo o kuluma okukulu.

₉Nga be ngi bona kwa za kwa bekwa izihlalo zobukosi, wa ti, Omdala wezinsuku wa hlala, okwambata kwake kwa ku mhlope njengongqoqwane, nezinwele zekanda lake njengoboya bemvu obuhlanzekileyo; isihlalo sobukosi bake sa si ngamalangabi omlilo, namasondo ake a be umlilo ovutayo.

₁₀Umfula womlilo wa hamba u puma pambi kwake, inkulungwane yezinkulungwane ya m konza, nezinkulungwane ezi ishumi zezinkulungwane ezi ishumi ze ma pambi kwake; ukwahlula kwa hlala, izincwadi za penywa.

₁₁Lapo nga be ngi bona ngayo inhlokomo yamazwi amakulu a shunyayelwa upondo: nga be ngi bona sa za sa bulawa isilo; nomzimba waso wa bujiswa, wa nikelwa emlilweni ovutayo.

₁₂Kepa ezinye izilo zamukwa ukubusa kwazo, noko ukujobelela kokuhlala kwa piwa kuzo ngomzuzu, nesikati.

₁₃Nga be ngi bona ezibonakalweni zobusuku, bhekake wa e fika o njengeNdodana yomuntu o namafu ezulu, weza kOmdala wezinsuku, ba se be m sondeza pambi kwake.

₁₄Kwa ti kwa piwa kuye ukubusa, nodumo, nombuso, ukuze abantu bonke, nezizwe, nezilimi zi m konze, ukubusa kwake ku ngukubusa ku ze ku be pakade, nombuso wake iwo o nga yi ku citwa.

₁₅Mina Danyeli umoya wami wa katazeka pakati kwesikwama sawo, nezibonakalo zekanda lami za ngetusa.

₁₆Nga sondela komunye wabo a bemiyo, nga buza kuye iqiniso la loku konke; wa se e pendula kimi wa ngazisa ukucasisela kwezindaba.

₁₇Lezizilo ezikulu, ezine, zi ngamakosi amane, a ya kuvuka emhlabeni,

₁₈Kepa abangcwele bOpakamileyo ba zo wamkela umbuso, ba be nawo umbuso ku ze ku be pakade, ku ti ku ze ku be pakade, ku be ngunapakade.

₁₉Lapo nga funa iqiniso ngesilo se sine, e sahlukene nazo zonke lezi, esi sabekayo kakulu, amazinyo aso a be insimbi, nezinzipo zaso itusi, e sa dhla, sa fohloza, sa nyatela insalo ngezinyawo zaso.

₂₀Na ngezimpondo ezi ishumi ezi be zi sekanda kuso, nangolunye o lwa puma, e za wa pambi kwalo ezintatu; lolupondo olu be namehlo, nomlomo olwa kuluma okukulu, ukubonakala kwalo kwa ku kulu ku zona ezi intanga yalo.

₂₁Nga be ngi bona, kwa ti lolupondo lwa lwa naba ingcwele, lwa ba namandhla pezu kwabo.

₂₂Wa ze we za Omdala wezinsuku, kwa ti ukwahlula kwa piwa kwaba ingcwele bOpakamileyo, sa ti sa fika isikati aba ingcwele a ba buya ngaso ba ba nombuso.

₂₃Njalo wa tyo ukuti, Isilo sesine sa ba umbuso wesine emhlabeni, o ya ku hlukana nemibuso yonke, isona si zo wu dhla umhlaba wonke, si wu nyatele, si wu fohloze.

₂₄Ku ti izimpondo ezi ishumi ku lombuso, zi ngamakosi a ishumi a ya kuvuka, nenye yo vuka emva kwawo; e ya ku ti i hlukane nawo okuqala, i nqobe amakosi amatatu.

₂₅Yona yo kuluma amazwi nga kuye Opakamileyo, i kataze abangcwele bOpakamileyo, i tembe ukuguqula izikati, nezimemezelo; bo ti ba nikelwe esandhleni sayo ku ze ku be isikati, nezikati, nenxenye yesikati.

₂₆Kepa ukwahlula ko hlala, bo ti ba suse ukubusa kwayo, ukucita noku qeda kona ku ze ku be sekupeleni.

₂₇Ko ti umbuso, nokubusa, nobukulu bombuso pansi kwezulu lonke ku piwe kubantu aba ingcwele bOpakamileyo, ombuso wake u ngumbuso ongunapakade, ku ya ku ti imibuso yonke i m konze, i m lalele.

₂₈Ku ze ku be iloku ku ngukugcina kwendaba. Mina Danyeli izicabango zami za ngetusa, nobuso bami ba fipala pakati kwami, kodwa nga gcina indaba enhliziyweni yami.