ISAHLUKO 40

₁UJEHOVA wa tyo kuMosi, wa ti,

₂Ngosuku lokuqala lwenyanga yokuqala wo misa itabanekele letente lokuhlangana;

₃U beke kona ikesi lomteto, u lembese ikesi ngeveli,

₄U ngenise itebula, u li hlele; u ngenise ikandelabra, u beke amakandela alo.

₅U beke ilati legolide lempepo pambi kwekesi lomteto, u lengise iveli lokuhonqa emyango wetabanekele.

₆U beke ilati lomnikelo wokutyiswa pambi komnyango wetabanekele letente lokuhlangana.

₇U beke ilave pakati kwetabanekele lokuhlangana nelati, u tele amanzi kulo.

₈U mise isihonqa, inxa zonke, u lengise iveli lokuhonqa esangweni lesihonqa.

₉U tabate amafuta okugcoba, u gcobe itabanekele, nako konke oku kulo, u li ngcwelise, nezinto zonke zalo, li be ngcwele.

₁₀U gcobe ilati lomnikelo wokutyiswa, nezinto zonke zalo, u li ngcwelise ilati, ilati a li be ngcwelegcwele.

₁₁U gcobe ilave nesinqe salo, u li ngcwelise.

₁₂U sondeze uAroni namadodana ake emnyango wetabanekele lokuhlangana, u ba geze ngamanzi.

₁₃U m ambatise uAroni izivato ezingcwele, u m gcobe, u m ngcwelise, ukuba a be umpristi wami.

₁₄U sondeze namadodana ake, u wambatise amatuniki;

₁₅U ba gcobise okuka yise, ba be abapristi bami; ukugcotywa ko ba ubupristi babo obupakade ezizukulwaneni zabo.

₁₆Wenza njalo uMosi; wenza njengako konke uJehova a ku tyoyo kuye.

₁₇Kwa ti ngenyanga yokuqala, ngomnyaka wesibili, ngosuku lokuqala lwenyanga, itabanekele la miswa.

₁₈uMosi wa misa itabanekele, wa beka izisekelo zalo, wa misa amapulankwe alo, wa faka izinti zalo, wa misa izinsika zalo.

₁₉Welula itente pezu kwetabanekele, wa beka isifulelo setente pezu kwalo, njengokutyo kuka Jehova kuMosi.

₂₀Wa tabata umteto, wa u faka ekesini, wa beka izinti ekesini, wa beka isisibekelo pezu kwekesi.

₂₁Wa ngenisa ikesi etabanekeleni, wa lengisa iveli lokuhonqa, wa honqa ikesi lomteto; njengokutyo kuka Jehova kuMosi.

₂₂Wa beka itebula etabanekeleni lokuhlangana, ohlangotini olu ngasenyakato, ngapandhle kweveli.

₂₃Wa hlela isinkwa kulo, pambi kuka Jehova; njengokutyo kuka Jehova kuMosi.

₂₄Wa beka ikandelabra etabanekeleni lokuhlangana; li bhekana netebula, ohlangotini lwetabanekele olu nga seningizimu.

₂₅Wa beka amakandela pambi kuka Jehova; njengokutyo kuka Jehova kuMosi.

₂₆Wa beka ilati legolide etabanekeleni lokuhlangana pambi kweveli.

₂₇Wa tyisa pezu kwalo impepo eqoliweyo; njengokutyo kuka Jehova kuMosi.

₂₈Wa lengisa iveli lokuhonqa emnyango wetabanekele.

₂₉Wa beka ilati lomnikelo wokutyiswa ngasemnyango wetabanekele letente lokuhlangana, wa nikela pezu kwalo umnikelo wokutyiswa, nomnikelo wempupu; njengokutyo kuka Jehova kuMosi.

₃₀Wa beka ilave pakati kwetabanekele nelati, wa tela kona amanzi okugeza.

₃₁uMosi noAroni namadodana ake ba geza izandhla zabo nezinyawo zabo kulo.

₃₂Nxa be ngena etabanekeleni lokuhlangana, nanxa be sondela elatini, ba geza; njengokutyo kuka Jehova kuMosi.

₃₃Wa misa isihonqa ngasetabanekeleni na selatini inxa zonke, wa lengisa iveli lokuhonqa esangweni lesihonqa Njalo uMosi wa qeda umsebenzi.

₃₄Kona ifu la mboza itabenakele lokuhlangana, ubukosi buka Jehova ba gcwalisa itabanekele.

₃₅uMosi wa e nge nakungena etabanekeleni lokuhlangana, ngokuba ifu la li hlezi pezu kwalo, nobukosi buka Jehova ba gcwalisa itabanekele.

₃₆Nxa kwenyuka ifu li suka etabanekeleni, abaka Israeli besuka ba ya ekuhambeni konke kwabo;

₃₇Kepa nxa ifu li ngenyuke, a ba sukanga, kwa za kwa fika usuku lokwenyuka kwalo.

₃₈Ngokuba ifu lika Jehova la li pezu kwetabanekele emini, nomlilo wa u kulo ebusuku, emehlweni ayo yonke indhlu ka Israeli, ekuhambeni konke kwabo.