ISAHLUKO 1

₁KWA ku kona umuntu ezweni la seUze, o gama lake la li nguJobe; lomuntu wa e lungile, wa e kolekile, e mesaba uTixo e zonda okubi.

₂Wa zala amadodana a isikombisa namadodakazi amatatu.

₃Imfuyo yake ya i izimvu ezi izinkulungwane ezi isikombisa, namakamelo a izinkulungwane ezintatu, izinkabi ezi inkulungwane, nezimbongolo zezinsikazi ezi ngamakulu a isihlanu, kanye nezinceku eziningi; njaloke lomuntu wa e mkulu ku nabo bonke aba sempumalanga.

₄Amadodana ake enza ukudhla ezindhlini zawo, ku i leyo ngosuku lwayo; a tuma e mema odade wabo bobatatu beza ba dhle ba puze nawo.

₅Kwa ti, lapo se zi dhlulile izinsuku zokudhla kwawo, uJobe wa tuma wa wa hlambulula, wesuka ekuseni, wa nikela iminikelo yokutya njengobuningi bawo onke; ngoba uJobe wa ti, Ku nga be amadodana ami onile, a m delele uTixo ezinhliziyweni zawo, uJobe wenze njalo imihla yonke.

₆Kwa ti ngosuku olutile amadodana ka Tixo eza ukumkonza uJehova, naye uSatani weza nawo.

₇uJehova wa ti kuSatani, wena u vela ngapi na? uSatani wa m pendula uJehova, wa ti, ngi vela ukudabula emhlabeni, nokuhambahamba kuwo.

₈uJehova wa ti kuSatani, Imbala inhliziyo yako i si m qondile uJobe inceku yami, ukuti ka ko o fana naye emhlabeni, umuntu olungileyo okolekayo, umuntu o m hlonipayo uTixo, o xwaya okubi.

₉Wa pendula uSatani kuJehova wa ti, Ehe, uJobe u ya mesaba uTixo ngeze na?

₁₀Ka u m biyele ngotango na, yena nendhlu yake nako konke a nako inxa zonke? u bhekile imisebenzi yezandhla zake, imfuyo yake i si yandile ezweni.

₁₁Kaloku a ke wolule isandhla sako kodwa, u pate konke a nako, ku kona e za kukutuka ebusweni bako.

₁₂uJehova wa ti kuSatani, Bheka, konke a nako ku semandhleni ako ukwenza okwentando yako; kupela kuyena ngoqobo lwake u nga beki isandhla sako. Njaloke uSatani wesuka ebusweni buka Jehova.

₁₃Ngosuku olutile amadodana ake kanye namadodakazi ake a be e hlezi e dhla e puza iwaini endhlini yomfo wabo omkulu;

₁₄Seza isigijimi kuJobe, sa ti, Izinkabi e be zi lima, izimbongolo zi dhla nga secaleni lazo;

₁₅Aba seSheba beza ba zi panga, futi ba bulele izinceku zako ngobukali benkemba; imina ngedwa e ngi sindileyo ngi ze ukukubikela.

₁₆E sa kuluma lawo, kwa fika omunye wa ti, Umlilo ka Tixo wehlile ezulwini, u tyise izimvu zako nezinceku zako, wa zi qeda nya; Imina ngedwa engi sindileyo ngi ze ukukubikela.

₁₇E sa kuluma, weza omunye, wa ti, AmaKaldi eza ngezigaba ezitatu, a bamba amakamelo, a wa panga, yebo, a bulele izinceku zako ngobukali benkemba; imina ngedwa e ngi sindileyo nge za ukukubikela.

₁₈E sa kuluma lowo, kwa fika omunye futi, wa ti, Amadodana ako namadodakazi ako a be hlezi e dhla e puza iwaini endhlini yomfo wabo omkulu.

₁₉Bheka, kwa pepeta isipepo esikulu si vela nga pesheya kwehlane, sa tyaya ezinqutyini zozine zendhlu, ya wa pezu kwezinsizwa, za fa; imina ngedwa engi sindileyo ngi ze ukukubikela.

₂₀uJobe wesuka, wa hxebula ingubo yake, wa pucula ikanda, wa ti mbo ngobuso emhlabatini, wa nxusa,

₂₁Wa ti, Nga puma ngi ze esiswini si ka mame, ngo pindela kona ngi ze; uJehova wa pa, uJehova u tatile; ma li bongwe igama lika Jehova.

₂₂Ngako konke loko uJobe a konanga, a ka kulumanga okubi ngoTixo.