ISAHLUKO 25

₁FUTI lezi zi imizekeliso ka Solomona ezi balwa lwo amadoda ka Hezekia, inkosi ya seJuda.

₂Udumo luka Tixo lu uku yi fihla into; kanti udumo lwamakosi lu uku yi penyisisa indaba.

₃Izulu ngokupakama, nomhlaba ngokujula, i njalo inhliziyo yamakosi, a kuko uku yi hlolisisa.

₄Susa inyela kulo isiliva, kona ko m pumelela umkandi isitya.

₅Susa omubi ebusweni benkosi, nesihlalo sayo sobukosi so qiniswa ngokulungisa.

₆U nga hambi ngokuzidhla pambi kwenkosi, u ngemi endaweni yabakulu.

₇Ku lungile ukuba ku tyiwo kuwe, ukuti, Nyukela lapa; ku nokuba wehliswe ebusweni benkosi a yi bonileyo amehlo ako.

₈U nga tyetyi ukupuma u lwe, funa u ngazi u za kwenzani ekupeleni, nxa o wakelene naye a kwenze u be nehlazo.

₉Pikelela indaba yako nowakelene nawe; u ngambuli okufihlekileyo komunye.

₁₀Funa ozwayo a ku jezisise, nodumo olubi lwako lu nga muki.

₁₁Izwi eli kulunywa kahle li njengamaperele egolide pakati koku setyenzwa okubaliweyo kwesiliva.

₁₂Umkuzi ohlakanipileyo u yindandato yegolide, u isivunulo segolide elihle endhlebeni ezwayo.

₁₃Njengokubanda kongqoqwane ngesikati sokwindhla si njalo isigijimi esi kolisileyo kubo aba si tumayo; ngokuba si ya buyisa umpefumlo wenkosi yaso.

₁₄Ozigabisayo ngomnikelo wamanga, u njengamafu nomoya, ku ngeko imvula.

₁₅Ngokubekezela, inkosi i ya nxuswa, nolimi olutambileyo lu ya pula itambo.

₁₆U tolile izinyosi na? yidhla okwanele wena, funa u cunuke izo, u buye u zi hlanze.

₁₇Unyawo lwako ma lu nga vami endhlini yomhlobo wako; funa a dinwe nguwe a ze a ku zonde.

₁₈Umuntu o qamba amanga ngakuye o wakelene naye, u isando, nenkemba nomcibityelo obukali.

₁₉Ukwetemba kumuntu o ngakolisiyo ngesikati sobunzima, ku njengezinyo elapukileyo, nonyawo olwenyeleyo.

₂₀O yi hlabelelayo inhliziyo e nosizi amagama, u njengohluta ingubo ngesikati samakaza nanjengumunyu pezu kwenitere.

₂₁Nxa isita sako si lambile, si funze ngesinkwa; nxa somile, si puzise amanzi.

₂₂Ngokuba wo qonga amalahle a vutayo ekanda laso, ko ti uJehova a ku vuze.

₂₃Umoya wa senyakato u ya leta imvula; futi nolimi olufihlayo lu leta ubuso obu nolaka.

₂₄Ku lungile ukuhlala egumbini pezu kwendhlu, ku nokuhlala nomfazi o nomsindo endhlini e hlanganyelweyo.

₂₅Izindaba ezinhle ezi vela ezweni elikatyana, zi njengamanzi amakaza kumpefumlo owomileyo.

₂₆Umuntu olungileyo o zanyazanyiswayo pambi komubi u njengomtombo odungekileyo, nomtonjana onakeleyo.

₂₇A ku lungile ukudhla izinyosi eziningi; njalo uku zihlolela udumo, ku nzima.

₂₈Umuntu, omoya wake o nge nakuvinjelwa, u njengumuzi o citiweyo o nge naludonga.