IZIHLABELELO 112

₁DUMISANI uJehova. U ya busiswa umuntu o m esaba uJehova; o tokoza kakulu ngeziyalezo zake.

₂Inzalo yake yo ba namandhla emhlabeni; isizukulwane sabalungileyo si ya kubusiswa.

₃Ingcebo nemfuyo i sendhlini yake; ukulunga kwake ku mi pakade.

₄Ku ya pumela kubo abalungileyo ukukanya ebumnyameni, ukuti kuye o nomusa ohaukelayo olungileyo.

₅Umuntu olungileyo u nomusa, u ya tyeleka; wo pasa izindaba zake ngokwahlulela.

₆Impela a ka yi ku zanyazanyiswa ku ze ku be pakade; olungileyo u ya ku ba ekukunjulweni njalo.

₇A ka yi kwesaba ngemibiko emibi; inhliziyo yake i mi, i temba kuJehova.

₈Inhliziyo yake i pasiwe, a ka yi kwesaba; a ze a buke izita zake.

₉U hlakazile, u ba nikele abampofu; ukulunga kwake ku mi ku ze ku be pakade; upondo lwake lu ya kupakama ngodumo.

₁₀Omubi wo bona, a cunuke; wo gedhla amazinyo ake, a ncibilike; ukufisa kwababi ko buba.