Lehlohonolo la ya tshwaretsweng dibe
1Pesalema ya Davida. Thothokiso e nang le thuto.
Ho lehlohonolo
ya tshwaretsweng tlolo ya hae,
eo sebe sa hae se hlakotsweng.
2Ho lehlohonolo motho
eo Morena a sa mmalleng molato,
eo moya wa hae o se nang thetso.
3Ha ke ne ke sa kgutsitse,
ke ne ke opelwa ke masapo
ke ho dumaela letsatsi lohle.
4Motsheare le bosiu
letsoho la hao le ne le nkimela,
moko wa ka o ne o omella
jwalokaha eka o tjheswa ke lebatama,
lebatama la lehlabula.
5Ka ba ka ipolela sebe sa ka ho wena,
ka se ke ka pata molato wa ka;
ka re: “Ke tla ipolela
ditlolo tsa ka ho Morena;”
wena wa ntshwarela molato
wa sebe sa ka.
