Comfort from the Word – Day 40

₂Oho, Modimo, ako sekehe tsebe,

o sekehele thapelo ya ka tsebe,

o se ke wa furalla thapedi ya ka.

₃Ako mmamele, o be o nkarabe:

Ke tsielehile, ke sisa pelo,

ke a fehelwa,

₄ka baka la ho hlodiuwa

ke dira tsa ka,

le ka baka la ho hlapaolwa

ke ba kgopo.

Ba nneta ka bokgopo,

ba ntlhorisa ba halefile.

₅Pelo ya ka e uba habohloko,

matswalo a lefu a mpupeditse.

₆Ke kenwe ke letswalo,

ke a thothomela,

ke aparetswe ke tshabo.

₇Ke bile ka re:

“Ke mang ya tla mpha mapheo,

mapheo a kang a leeba,

ke tle ke fofe, ke yo phomola?”

₈E, nka be ke baleha, ke eya hole,

ke ilo iphelela lehwatateng.

₁₆Lefu le ke le ba kgaoletse,

ba ke ba theohele Nqalong ya Bafu,

ba theohele ba ntse ba phela,

hobane ba ahisane le bokgopo,

mme bo hara bona.

₁₇Empa nna

ke tla ipiletsa ho Modimo,

mme Morena o tla mpholosa.

₁₈Hoseng, motsheare le mantsiboya,

ke sisa pelo, ke a fehelwa,

mme o utlwa lentswe la ka.

₂₂Leleme la hae le ne le le monate,

empa bora bo ne bo le teng,

bo le teng ka pelong ya hae.

Mantswe a hae

a ne a thoba hamonate,

empa e ne e le disabole tse hlabang.