2Bana beso, ikukeng le le ba lehlohonolo, ha le feta hara diteko tsa mefutafuta, 3hobane le a tseba hore ho lekwa ha tumelo ya lona ho tswala mamello. 4Mamello e ke e hlahise mosebetsi o phethehileng, e le hore le be batho ba phethehileng ka ho tlala, ba sa hlokeng letho. 5Haeba e mong wa lona a hloka bohlale, a ke a bo kope ho Modimo ya fang bohle ka matsoho a mabedi, a sa kganane, mme o tla bo fuwa. 6Feela a bo kope ka tumelo, a sa belaele letho, hobane ya belaelang o tshwana le leqhubu la lewatle le tsokotswang ke moya. 7Motho ya jwalo a se ke a lekanya hore o tla fuwa letho ke Morena, 8hobane ke motho ya sa tsebeng moo a emeng teng, ya sa tsitsang ditseleng tsohle tsa hae.
