To The Word – Day 137

₁Adama a tswala Seta, Seta a tswala Enoshe, Enoshe a tswala Kenane, ₂Kenane a tswala Mahalalele, Mahalalele a tswala Jarete, ₃Jarete a tswala Henoke, Henoke a tswala Metushela, Metushela a tswala Lameke, ₄Lameke a tswala Nowe, Nowe a tswala Sema, le Kama, le Jafeta.

₅Bana ke bara ba Jafeta: Gomere, le Magogo, le Madai, le Jafane, le Tubale, le Mesheke, le Tirase. ₆Bana ke bara ba Gomere: Ashekenase, le Rifate, le Togarema. ₇Bana ke bara ba Jafane: Elisha, le Tarashishe, le Kitime, le Dodanime.

₈Bana ke bara ba Kama: Kushe, le Miseraime, le Pute, le Kanana. ₉Bana ke bara ba Kushe: Seba, le Hafila, le Sabeta, le Rama, le Sabeteka. Bara ba Rama ke Sheba le Dedane. ₁₀Kushe a tswala Nimerode. Nimerode ke yena eo e bileng mohale wa pele, e moholo, lefatsheng.

₁₁Miseraime a tswala Balode, le Baaname, le Balehabe, le Banafetuhe, ₁₂le Bapatarusi, le Bakasalohe ba tswetseng Bafilesita, le Bakafatore.

₁₃Kanana a itsibola ka Sidone, ya tla ba Hete, ₁₄le Bajebuse, le Baamore, le Bagirigashe, ₁₅le Bahife, le Baareki, le Basine, ₁₆le Baarefade, le Basemare, le Bahamate.

₁₇Bara ba Sema ke: Elame, le Asure, le Arepakeshade, le Lode, le Arame, le Use, le Hule, le Getere, le Mashe. ₁₈Arepakeshade a tswala Shela, mme Shela a tswala Ebere. ₁₉Ebere a tswala bara ba babedi. Lebitso la e mong e ne e le Pelege, hobane baahi ba lefatshe ba ne ba arohane mehleng ya hae; moena wa hae e ne e le Jokotane. ₂₀Jokotane a tswala Alamodade, le Shelefe, le Hasere-Mafete, le Jera, ₂₁le Hadorame, le Usale, le Dikela, ₂₂le Ebale, le Abimaele, le Sheba, ₂₃le Ofire, le Hafila, le Jobabe. Bana bohle ke bara ba Jokotane.

₂₄Bana ke bara ba Sema: Arepakeshade, le Shela, ₂₅le Ebere, le Pelege, le Reu, ₂₆le Seruge, le Nakore, le Tera, ₂₇le Aborame, e leng Aborahama.

₂₈Bana ke bara ba Aborahama: Isaka, le Ishemaele. ₂₉Lena ke leloko la Ishemaele: Nebajota, letsibolo la Ishemaele, le Kedare, le Adabeele, le Mibesame, ₃₀le Mishema, le Duma, le Masa, le Hadade, le Tema, ₃₁le Jeture, le Nafishe, le Kedema. Bana ke bona bara ba Ishemaele.

₃₂Bana ke bara ba Ketura, mosadi wa lefielo wa Aborahama. Ketura a tswala Simerane, le Jokoshane, le Medane, le Midiane, le Jishebaka, le Shua. Bara ba Jokoshane ke Sheba le Dedane. ₃₃Bara ba Midiane e ne e le Efa, le Efere, le Hanoke, le Abida, le Eledaa. Bana bohle ke ditloholo tsa Ketura.

₃₄Aborahama a tswala Isaka. Bara ba Isaka ke Esau le Iseraele. ₃₅Bara ba Esau ke Elefase, le Reuele, le Jeushe, le Jalame, le Kora. ₃₆Bara ba Elefase e ne e le Temana, le Omare, le Sefo, le Fatame, le Kenase, le Timina, le Amaleke. ₃₇Bara ba Reuele ke bana: Nahate, le Sera, le Shamma, le Misa.

₃₈Bana ke bara ba Seire: Lotane, le Shobale, le Sebone, le Ana, le Dishone, le Esere, le Dishane. ₃₉Bana ke bara ba Lotane: Hori, le Homame. Kgaitsedi ya Lotane e ne e le Timina. ₄₀Bara ba Shobale e ne e le Aleana, le Manahate, le Ebale, le Shefi, le Oname. Bana ke bara ba Sebone: Aya, le Ana. ₄₁Mora wa Ana ke Dishone. Bara ba Dishone ke Hamerane, le Eshebane, le Jiterane, le Kerane. ₄₂Bana ke bara ba Esere: Bilehane, le Saafane, le Jakane. Bara ba Dishane ke Use le Arane.

₄₃Tsena ke dikgosi tse ileng tsa busa naha ya Edomo, ho eso be le kgosi e busang bana ba Iseraele: Bela, mora wa Beore, mme lebitso la motse wa hae e ne e le Dinehaba. ₄₄Ha Bela a eshwa, Jobabe, mora wa Sera, ya tswang Bosera, a mo hlahlama. ₄₅Ha Jobabe a eshwa, Hushame, wa naha ya Batemane, a mo hlahlama. ₄₆Ha Hushame a eshwa, Hadade, mora wa Bedade, ya neng a hlole Bamediane naheng ya Moabe, a mo hlahlama. Lebitso la motse wa hae e ne e le Afite. ₄₇Ha Hadade a eshwa, Samela wa Masereka a mo hlahlama. ₄₈Ha Samela a eshwa, Shaule wa Rehobote, e lebopong la Noka a mo hlahlama. ₄₉Ha Shaule a eshwa, Baale-Hanane, mora wa Akabore, a mo hlahlama. ₅₀Ha Baale-Hanane a eshwa, Hadade a mo hlahlama. Lebitso la motse wa hae e ne e le Pai, athe la mosadi wa hae e ne e le Mehetabela, moradi wa Matereta, setloholo sa Me-Sahabe. ₅₁Hadade le yena a shwa.

Tsena ke dikgosi tsa Edomo: Timina, le Alea, le Jetete, ₅₂le Aholebama, le Ela, le Pinone, ₅₃le Kenase, le Temana, le Mibesare, ₅₄le Magedeele, le Irame. Tsena ke tsona dikgosi tsa Edomo.

₁Bana ke bara ba Iseraele: Rubene, le Simeone, le Levi, le Juda, le Isakare, le Sebulone, ₂le Dane, le Josefa, le Benjamine, le Nafthali, le Gade, le Ashere.

₃Bana ke bara ba Juda: Ere, le Onane, le Shela. Bana ba bararo o ile a ba tswallwa ke moradi wa Shua wa Mokanana. Ere, letsibolo la hae, o ne a le kgopo mahlong a Morena, mme Morena a mmolaya. ₄Tamare, ngwetsi ya Juda, a tswalla Juda Perese le Sera. Kaofela bara ba Juda ba ne ba le bahlano.

₅Bara ba Perese ke Heserone, le Hamule. ₆Bara ba Sera ke Simeri, le Etane, le Hemane, le Kalekole, le Dara. Kaofela ba ne ba le bahlano. ₇Bara ba Karimi ke Akare, ya ileng a kenya Baiseraele tshotso dinaleng, ka ho inkela dintho tse rohakehileng. ₈Mora wa Etane ke Asariya.

₉Heserone a tswallwa bara bana: Jerahemeele, le Rama, le Kalebe. ₁₀Rama a tswala Aminadabe, Aminadabe a tswala Naheshone, e leng yena kgosana ya bana ba Juda. ₁₁Naheshone a tswala Salemone, Salemone a tswala Boase. ₁₂Boase a tswala Obede, Obede a tswala Jese. ₁₃Mora wa Jese wa letsibolo ke Eliabe, wa bobedi ke Abinadabe, wa boraro ka Shima, ₁₄wa bone ke Netanele, wa bohlano ke Radai, ₁₅wa botshelela ke Oseme, wa bosupa ke Davida. ₁₆Dikgaitsedi tsa bona e ne e le Seruya le Abikaele. Bara ba Seruya ba ne ba le bararo, e le Abishai, le Joabe, le Asaele. ₁₇Abikaele a tswala Amasa, eo ntatae e neng e le Jetere wa Moishemaele.

₁₈Asuba a tswalla Kalebe, mora wa Heserone, moradi ya bitswang Jeriote. A mo tswalla le bara bana: Jeshere, le Shobabe, le Aradone. ₁₉Hoba Asuba a shwe, Kalebe a nyala Eferata, ya ileng a mo tswalla Hure. ₂₀Hure a tswala Uri, Uri a tswala Besalele.

₂₁Ha Heserone a ena le dilemo tse mashome a tsheletseng, a nyala moradi wa Makiri, ntata Gileade. Mosadi eo a mo tswalla mora ya bitswang Segube. ₂₂Segube a tswala Jaire, ya ileng a ba le metse e mashome a mabedi a metso e meraro naheng ya Gileade. ₂₃Gesure, le Arame ba hapa Metse ya Jaire, le Kenate le metsana ya yona. E ne e le metsana e mashome a tsheletseng. Bana bohle ke ditloholo tsa Makiri, ntata Gileade. ₂₄Hoba Heserone a shwe, Kalebe, mora wa hae, a kenela Eferata, mohatsa ntatae, mme eo a mo tswalla Ashehure, ya ileng a thea Tekowa.

₂₅Bana ke bara ba Jerahemeele, letsibolo la Heserone: Rama ke yena letsibolo, e nto ba Buna, le Orene, le Oseme, le Ahiya. ₂₆Jerahemeele o ne a ena le mosadi e mong ya bitswang Atara; Atara a tswala Oname. ₂₇Bara ba Rama, letsibolo la Jerahemeele, ke bana: Maase, le Jamine, le Ekere. ₂₈Bara ba Oname ke Shamai le Jada. Bara ba Shamai ke Nadabe le Abishure. ₂₉Lebitso la mosadi wa Abishure e ne e le Abihaele, ya ileng a mo tswalla Akabane, le Molede. ₃₀Bara ba Nadabe ke Selede, le Apaime. Selede a shwa a se na bana. ₃₁Apaime a tswala Ishi, Ishi a tswala Sheshane, Sheshane a tswala Akalai.

₃₂Bana ke bara ba Jada, ngwanabo Shamai: Jetere le Jonathane. Jetere a shwa a se na bana. ₃₃Bara ba Jonathane ke Pelete le Sasa. Bana kaofela ke bona ditloholo tsa Jerahemeele.

₃₄Sheshane o ne a se na bara, a ena le baradi feela. O ne a ena le mohlanka wa Moegepeta ya bitswang Jareha. ₃₅Sheshane a nea mohlanka eo wa hae, Jareha, moradi wa hae, mme moradi eo a mo tswalla Atai. ₃₆Atai a tswala Nathane, Nathane a tswala Sabada, ₃₇Sabada a tswala Efalale, Efalale a tswala Obede. ₃₈Obede a tswala Jehu, mme Jehu a tswala Asariya. ₃₉Asariya a tswala Helese, Helese a tswala Eleasa, ₄₀Eleasa a tswala Sisemai, Sisemai a tswala Shalome, ₄₁Shalome a tswala Jekamia, Jekamia a tswala Eleshama.

₄₂Bana ke bara ba Kalebe, ngwanabo Jerahemeele: Mesha, e leng letsibolo la hae, a tswala Sife, Sife a tswala Maresha, Maresha a tswala Heborone. ₄₃Bara ba Heborone ke Kora, le Tapua, le Rekeme, le Shema. ₄₄Shema a tswala Rahama, Rahama a tswala Jorokowame. Regeme a tswala Shamai. ₄₅Mora wa Shamai e ne e le Maone, ya ileng a thea Bete-Sure.

₄₆Kalebe o ne a ena le mosadi wa lefielo ya bitswang Efa, mme a mo tswalla bara ba bararo, e leng Harane, le Mosa, le Gasese. Harane e ne e le ntata Gasese.

₄₇Bana ke bara ba Jahadai: Regeme, le Jotame, le Geshane, le Pelete, le Efa, le Shaafe. ₄₈Maaka, mosadi wa lefielo wa Kalebe, a tswala Shebere, le Tirehana. ₄₉A ba a tswala le Shaafe, ya ileng a thea Mademana; a tswala le Shefa, ya ileng a thea Makebena, le Gibea. Moradi wa Kalebe e ne e le Akasa.

₅₀Bana ke ditloholo tsa Kalebe, mora wa Hure, letsibolo la Eferata: Shobale a thea Kiriate-Jearime, ₅₁le Salema, ya ileng a thea Betlelehema, le Harefe, ya ileng a thea Bete-Gadere. ₅₂Ditloholo tsa Shobale, ya ileng a thea Kiriate-Jearime, e ne e le Baharowe, e leng halofo ya morabe wa Bamanahate. ₅₃Merabe ya Kiriate-Jearime ke ena: Bajethero, le Baputi, le Bashoma, le Bamishera. Bona ba ile ba tswala merabe ya Basore le Baeshetaole.

₅₄Bana ke ditloholo tsa Salema: Betlelehema, Banetofa, le Atarote-Bete-Joabe, le halofo ya morabe wa Bamanahate, le Basora. ₅₅Ena ke merabe ya bangodi ba neng ba ahile Jabese: Batire, le Bashima, le Basuka. Bana ke bona Bakene ba tswetsweng ke Hamate, e leng ntata ba lelapa la Rekabe.

₁Bana ke bara bao Davida a ileng a ba tswala ha a le Heborone. Mora wa hae wa matsibolo ke Amanone, ya tswetsweng ke Ahinoame wa Mojesereele; wa bobedi ke Daniele, ya tswetsweng ke Abikaele wa Mokaramele; ₂wa boraro ya eba Abosalome, mora wa Maaka, moradi wa Talamai, kgosi ya Gesure; wa bone ya eba Adoniya, mora wa Hagite; ₃wa bohlano ya eba Shefatiya, mora wa Abitale; wa botshelela ya eba Jitereame, wa mosadi wa hae ya bitswang Egela. ₄Bana ba tsheletseng ba ile ba tswallwa Heborone, moo Davida a ileng a busa a le hona teng ka dilemo tse supileng le dikgwedi tse tsheletseng. A busa ka dilemo tse mashome a mararo a metso e meraro a le Jerusalema. ₅Bana ba ile ba tswalwa ha a se a le Jerusalema: Shima, le Shobabe, le Nathane, le Solomone. Bana ba bane ba ile ba tswalwa ke Batesheba, moradi wa Amiele. ₆Ba bang e ne e le bo-Jibehare, le Eleshua, le Elipelete, ₇le Noga, le Nefege, le Jafia, ₈le Eleshama, le Eleada, le Elefelede, mme bona ba le robong. ₉Bana kaofela e ne e le bara ba Davida, kantle ho bara bao a ba tswaletsweng ke basadi ba hae ba mafielo. Kgaitsedi ya bona e ne e le Tamare.

₁₀Mora wa Solomone e ne e le Rehoboame. Rehoboame a tswala Abiya, Abiya a tswala Asa, Asa a tswala Jehoshafate, ₁₁Jehoshafate a tswala Jehorame, Jehorame a tswala Akasiya, Akasiya, a tswala Jowashe, ₁₂Jowashe a tswala Amasiya, Amasiya a tswala Asariya, Asariya a tswala Jotame, ₁₃Jotame a tswala Akase, Akase a tswala Hesekiya, Hesekiya a tswala Manase, ₁₄Manase a tswala Amona, Amona a tswala Josiya. ₁₅Bara ba Josiya ke: Johanane, letsibolo la hae, wa bobedi ya eba Jehoyakime, wa boraro ya eba Sedekiya, wa bone ya eba Shalome. ₁₆Bara ba Jehoyakime e ne e le Jekoneya le Sedekiya.

₁₇Bara ba Jekoneya, ya ileng a thopuwa, a iswa Babilona, e ne e le Shealetiele, ₁₈le Malakirame, le Pedaya, le Shenasara, le Jekameya, le Hoshama, le Nedabiya. ₁₉Bara ba Pedaya ke Serubabele, le Shimei. Bara ba Serubabele ke Meshulame, le Hananiya; kgaitsedi ya bona ke Shelomite. ₂₀Bara ba bang ba hae ba bahlano ke Hashuba, le Ohele, le Berekiya, le Hasadiya, le Jushabe-Heseda. ₂₁Bara ba Hananiya ke Pelatiya, le Jeshaya. Jeshaya a tswala Refaya, Refaya a tswala Arenane, Arenane a tswala Obadiya, Obadiya a tswala Shekaniya, ₂₂Shekaniya a tswala Shemaya, le Hatushe, le Jigale, le Baria, le Neareya, le Shafate. Kaofela ba ne ba tsheletse. ₂₃Bara ba Neareya ke Eleunai, le Hesekiya, le Asarikama. Ba ne ba le bararo. ₂₄Bara ba Eleunai ba ne ba supile, e le Hodafiya, le Eleashibe, le Pelaya, le Akube, le Johanane, le Delaya, le Anani.

₁Bana ke bara ba Juda: Perese, le Heserone, le Karimi, le Hure, le Shobale. ₂Reaya, mora wa Shobale, a tswala Jahate, Jahate a tswala Ahumai le Lahade. Ena ke yona merabe ya Basora. ₃Bana ke bara ba Etame: Jesereele, le Jishema, le Jidebashe. Lebitso la kgaitsedi ya bona ke Haseleleponi. ₄Penuele a tswala Gedore. Esere a tswala Husha. Bana ke bona bara ba Hure, letsibolo la Eferata, ya ileng a thea Betlelehema.

₅Ashehure ya ileng a thea Tekowa, o ne a ena le basadi ba babedi, e leng Hela le Naara. ₆Naara a mo tswalla Ahusame, le Hefere, le Temeni, le Hahashatari. Bana ke bara ba Naara. ₇Bara ba Hela ke Serete, le Sohare, le Etenane, ₈le Kose, ya ileng a tswala Anube, le Hasobeba, le ba morabe wa Aharahele, mora wa Harume.

₉Hasobeba o ne a hlompheha ho feta bana babo. Mmae o ne a ile a mo rea lebitso la Jabese, hobane o ne a re: “Ke ile ka mmeleha ka mahlaba a maholo.”

₁₀Jabese a ipiletsa ho Modimo wa Iseraele, a re: “Ke a o rapela: O ke o ntlohohonolofatse, o nkekeletse naha, o mpaballe, o ntshireletse, mme ke se ke ka hlokofatswa.” Modimo a mo nea seo a se kopileng.

₁₁Kelobe, ngwanabo Shuha, a tswala Mehire, Mehire a tswala Eshetone, ₁₂Eshetone a tswala Bete-Rafa, le Paseya, le Tehina, Tehina a tswala Ire-Nahashe. Bana ke bona baahi ba Reka.

₁₃Bana ke bara ba Kenase: Oteniele, le Seraya. Bara ba Oteniele ke Hatate le Meonotai. ₁₄Meonotai a tswala Ofera. Seraya a tswala Joabe. Joabe a thea motse o bitswang Kgohlo ya Ditsebi, hobane baahi ba wona e ne e le ditsebi tsa mesebetsi ya matsoho.

₁₅Bana ke bara ba Kalebe, mora wa Jefune: Iru, le Ela, le Naame. Mora wa Ela ke Kenase. ₁₆Bana ke bara ba Jehalelele: Sife, le Sifa, le Tiriya, le Asarele. ₁₇Bana ke bara ba Esera: Jetere, le Merede, le Efere, le Jalone, Merede a nyala Bitiya, moradi wa Faro, mme a mo tswalla moradi ya bitswang Meriama, le bara ba babedi, Shamai le Jisheba. Jisheba ke yena mothei wa Eshetemoa. ₁₈Mosadi wa hae wa Mojuda a tswala Jerede ya ileng a thea Gedore, le Hebere ya ileng a thea Soko, le Jekutiele ya ileng a thea Sanowa. ₁₉Bara ba mosadi wa hae Hodiya, kgaitsedi ya Nahama, ke Keila wa Mogarimi, le Eshetemoa wa Maaka. ₂₀Bara ba Shimone ke Amanone, le Rina, le Bene-Hanane, le Tilone. Bara ba Ishi ke Sohete, le Bene-Sohete.

₂₁Bana ke bara ba Shela, mora wa Juda: Ere ya ileng a thea Leka, le Lada ya ileng a thea Maresha, le ba merabe ya ba neng ba etsa masela a lene, mane Bete-Ashebea, ₂₂le Jokime, le baahi ba Koseba, le Jowashe, le Sarafa, e leng ba neng ba busa Moabe le Jashobi-Leheme. Tsena di tswa dingodilweng tsa boholoholo. ₂₃Bana e ne e le dibopi tse neng di ahile Netaime le Kedera, di sebeletsa kgosi.

₂₄Bana ke bara ba Simeone: Nemuele, le Jamine, le Jaribe, le Sera, le Shaule. ₂₅Shaule a tswala Shalome, Shalome a tswala Mibesame, Mibesame a tswala Mishema. ₂₆Bara ba Mishema ke Hamuele, Hamuele a tswala Sakure, Sakure a tswala Shimei.

₂₇Shimei o ne a ena le bara ba leshome le metso e tsheletseng, le baradi ba tsheletseng, empa bana babo ba ne ba se na bana; ka lebaka lena morabe wa bona wa se ke wa ata jwaloka morabe wa Juda.

₂₈Ba ne ba ahile Beeresheba le Molada, le Hasere-Shuale, ₂₉le Bileha, le Eseme, le Tolada, ₃₀le Bethuele, le Horema, le Sikelage, ₃₁le Bete-Marakabote, le Hasere-Susime, le Bete-Biri, le Shaaraime. Ena e bile metse ya bona ho fihlela pusong ya Davida. ₃₂Metsana e ba potapotileng e ne e le Etame, le Aine, le Rimone, le Tokene, le Ashane, e ne e le metsana e mehlano, ₃₃le metsana yohle e neng e potapotile metse eo, ho ya fihla Baalate. Ena ke yona metse eo ba neng ba phela ho yona.

₃₄Lenane la tlhatlhamano ya bona ke lena: Meshobabe, le Jameleke, le Josha, mora wa Amasiya, ₃₅le Joele, le Jehu, mora wa Joshibiya, setloholo sa Seraya, setloholwana sa Asiele; ₃₆le Eleunai, le Jaakoba, le Jeshohaya, le Asaya, le Adiele, le Jesimiele, le Benaya, ₃₇le Sisa, mora wa Shifi, setloholo sa Alone, ya tswetsweng ke Jedaya, Jedaya yha tswetsweng ke Shimeri, Shimeri ya tswetsweng ke Shemaya.

₃₈Banna bana ba boletsweng kahodimo e ne e le mahosana a merabe yabo bona. Malapa abo bona a ata. ₃₉Ba nna ba tsamaya ho ya fihla kantle ho meedi ya Gedore, le ho ya fihla botjhabela ho kgohlo, ba ntse ba batlela mehlape ya bona makgulo. ₄₀Ba fumana makgulo a matle, a nonneng, le naha e namileng, e nang le kgotso, e kgutsitseng. Baahi ba yona ba pele e ne e le Bahame.

₄₁Banna bana ba boletsweng ka mabitso ba ne ba fihle mehleng ya Hesekiya, kgosi ya Juda. Ba futuhela diahelo tsa Bahame le tsa Bameune ba neng ba ahile moo, ba ba ripitla ho hang, jwalokaha ho ntse ho bonahala le kajeno-ya-bokajeno. Jwale ba aha naheng eo ya bona, hobane mehlape ya bona e ne e fumane makgulo. ₄₂Banna ba ka bang makgolo a mahlano, ba morabe ona wa Simeone, ba futuhela Thaba ya Seire ba eteletswe pele ke Pelatiya, le Neareya, le Refaya, le Usiele, bara ba Ishi. ₄₃Ba bolaya masalla a Baamaleke a ileng a phonyoha, mme ba aha naheng eo ya bona ho fihlela kajeno-ya-bokajeno.

₁Rubene ke yena letsibolo la Iseraele. Empa ka lebaka la ho silafatsa diphate tsa ntatae, tokelo tsa hae tsa boholo di ile tsa newa bara ba Josefa, mora wa Iseraele; ka hona ha a yo lenaneng, ho latela tswalo ya hae. ₂Le hoja Juda a ne a le matla ho feta bana babo, mme mmusi a ile a hlaha lapeng la hae, ditokelo tsa boholo e ile ya eba tsa Josefa. ₃Bara ba Rubene, letsibolo la Iseraele, ke bana: Hanoke, le Palo, le Heserone, le Karimi. ₄Bara ba Joele ke Shemaya ya tswetseng Gogo, Gogo ya tswetseng Shimei. ₅Shimei yena a tswala Mmika, Mmika a tswala Reaya, Reaya a tswala Baala, ₆Baala a tswala Beera, eo Tigelate-Pilesere, kgosi ya Asiria, a ileng a mo thopa. E ne e le yena kgosana ya ba morabe wa Rubene.

₇Lenaneng la bana babo, ho ya ka malapa abo bona, ke kgosana Jeiele, le Sekariya, ₈le Bela ya tswetsweng ke Asase, Asase ya tswetsweng ke Shema, Shema ya tswetsweng ke Joele. Naha ya bona, e ne e tloha Arowere, ho ya fihla Nebo, le Baale-Meone. ₉Ka botjhabela ba aha ho tloha qetheng ya lehwatata le ilo fihla nokeng ya Euferatese, hobane mehlape ya bona e ne e ile ya ata ha ba le Gileade.

₁₀Nakong ya puso ya Saule ba futuhela Bahagare, mme ba ba hlola. Yaba ba se ba kena ditenteng tsa Bahagare, naheng yohle e ka botjhabela ho Gileade.

₁₁Ba morabe wa Gade ba ne ba ahile naheng ya Bashane, ho ya fihla Saleka. ₁₂Moo Bashane, Joele e ne e le kgosana ya bona, Shafame a mo hlahlama, e ntano ba Janai, le Shafate. ₁₃Bang ka bona, ho ya ka malapa abo bona, e ne e le Mikaele, le Meshulame, le Sheba, le Jorai, le Jakane, le Sia, le Ebere. Ba ne ba supile. ₁₄Bana ke bona bara ba Abihaele, mora wa Huri, ya tswetsweng ke Jarowa, Jarowa wa Gileade, Gileade wa Mikaele, Mikaele wa Jeshishai, Jeshishai wa Jahedo, Jahedo wa Buse. ₁₅Ahi, mora wa Abadiele, setloholo sa Guni, e ne e le yena kgosana ya malapa ana.

₁₆Ba morabe wa Gade ba ne ba ahile Gileade e Bashane, le metsaneng ya yona, le makgulong wohle a naha ya Sharone, ho ya fihla moo e fellang teng.

₁₇Tsena tsohle di ile tsa ngolwa lenaneng la ditaba tsa bona mehleng ya ha Jotame e le kgosi ya Juda, Jeroboame yena e le kgosi ya Iseraele.

₁₈Ba morabe wa Rubene le ba morabe wa Gade, le halofo ya ba morabe wa Manase, ba ne ba ena le bahale ba tsebang ho lwana ka thebe le sabole, ba tsebang le ho fula ka metsu, ba kwetliseditsweng ntwa. Palo ya bona e ne e le dikete tse mashome a mane a metso e mene le makgolo a supileng le mashome a tsheletseng. ₁₉Ba futuhela Bahagare, le Bajeture, le Banafishe, le Banodabe. ₂₀Ba ile ba ipiletsa ho Modimo ha ba le ntweng, a mamela dithapelo tsa bona, hobane ba ne ba mo tshepa, mme a neelana ka Bahagare le bathusi bohle ba bona matsohong a bona. ₂₁Ba hapa mehlape ya bona, e le dikamele tse dikete tse mashome a mahlano, le dinku tse dikete tse makgolo a mabedi le mashome a mahlano, le ditonki tse dikete tse pedi. Ba thopa le bahlabani ba dikete tse lekgolo. ₂₂Ba bolaya ba bangata, hobane e ne e le Modimo ya ba lwanelang. Ba aha naheng eo, ho fihlela ha ba thopuwa.

₂₃Halofo ya setjhaba sa ba morabe wa Manase e ne e atile haholo, kahoo ya aha naheng eo, ho tloha Bashane ho ya fihla Baale-Heremone, le Senire, le thabeng ya Heremone.

₂₄Dihlooho tsa malapa abo bona ke tsena: Efere, le Ishi, le Eleele, le Asariele, le Jeremia, le Hodafiya, le Jahediele. E ne e le bahale ba tumileng, e bile e le dihlooho tsa malapa abo bona.

₂₅Empa ba sitelwa Modimo wa bontata bona, ba kgumamela medimo ya ditjhaba tsa naha eo, tseo Modimo a ileng a di fedisa kapele ho bona. ₂₆Ka baka leo, Modimo wa Iseraele a hlohleletsa Pule, kgosi ya Asiria, e leng Tigelate-Pilesere, hore a thope ba morabe wa Rubene, le ba morabe wa Gade, le halofo ya setjhaba sa ba morabe wa Manase, a ba ise Hala, le Habore, le Hara, le nokeng ya Gosane, moo ba ntseng ba ahile teng le kajeno-ya-bokajeno.

₁Pesalema ya Davida.