Jeremia 16

₁Ek het gehoor die Here sê vir my:

₅Ja, die Here het gesê: “Jy moenie in 'n huis kom waar mense saam eet om te rou nie, en jy moenie saam gaan rou en vir hulle wys jy is jammer nie, want Ek sal dit nie meer laat goed gaan met hierdie volk nie. Ek is nie meer lief en jammer vir hulle nie. ₆Die grootmense en die kinders in hierdie land sal sterf. Niemand sal hulle begrawe en oor hulle rou nie. Niemand sal homself stukkend sny of sy hare afskeer om te wys hy is hartseer oor hulle nie. ₇Wanneer iemand oor sy pa of oor sy ma rou, dan sal niemand vir hom 'n stukkie brood gee of vir hom iets gee om te drink om hom te troos nie. ₈En jy moenie in 'n eetkamer kom en saam met die mense eet en drink nie. ₉Ja, die Here wat oor alles regeer, die God van Israel, sê: Daar sal in hierdie plek nie meer partytjies wees waar mense vrolik en bly is nie, en hulle sal nie meer trou nie. Dit sal in julle tyd gebeur en julle sal dit sien. ₁₀En wanneer jy dit alles vir hierdie mense gesê het, en hulle vra vir jou: ‘Hoekom het die Here gesê Hy sal dit so sleg laat gaan met ons? Wat het ons verkeerd gedoen? Watter sonde het ons gedoen teen ons God die Here?’ ₁₁dan moet jy vir hulle sê: Die Here sê: ‘Dit is omdat julle voorvaders ander gode gaan dien het en hulle aanbid het, en weggegaan het van My, en nie gedoen het wat Ek gesê het nie. ₁₂En júlle, julle het slegter dinge gedoen as julle voorvaders. Julle is hardkoppig, julle lewe soos julle self besluit, julle is nie gehoorsaam aan My nie. ₁₃Ek sal julle ver weggooi uit hierdie land tot in 'n land wat julle en julle voorvaders nie geken het nie, en daar sal julle elke dag en elke nag vir ander gode werk, en Ek sal nie jammer wees vir julle nie.’ ”

₁₄Die Here sê: “Dit sal gebeur, en daarom sal daar 'n tyd kom wanneer die mense nie meer sal sê: ‘So seker soos die Here lewe wat die Israeliete uit Egipte gebring het’ nie. ₁₅Nee, hulle sal dan sê: ‘So seker soos die Here lewe wat die Israeliete gebring het uit die land in die noorde en uit al die lande waarnatoe Hy hulle weggejaag het.’ Ek sal hulle terugbring na die land wat Ek vir hulle voorvaders gegee het. ₁₆Maar nou stuur Ek baie vyande wat die Israeliete sal vang soos mense vis vang, en hulle sal die Israeliete doodmaak soos mense wilde diere jag, op al die berge en tussen die rotse. ₁₇Ek doen dit omdat Ek alles sien wat hulle doen. Hulle kan niks wegsteek vir My nie, Ek sien die verkeerde dinge wat hulle doen. ₁₈Ek sal hulle twee maal straf oor elke verkeerde ding en sonde wat hulle doen. Hulle het my land ontwy met hulle dooie afgode, hulle het die land wat aan My behoort, volgemaak met dinge wat Ek haat.”