Psalms 133
Dit is mooi wanneer broers in vrede saam woon
1'n Lied wanneer mense na die tempel gaan. Van Dawid.
Julle moet dit weet: Dit is goed, dit is mooi
wanneer broers in vrede saam woon.
2Dit is soos wanneer goeie olyf-olie
afloop van die kop tot op die baard,
die baard van Aäron,
en dan verder afloop op die kraag van sy klere.
3Dit is soos die dou van Hermon-berg
wat afloop tot op die Sion-berge.
Want daar op die Sion-berge het die Here sy volk geseën,
Hy het vir hulle die lewe gegee wat altyd aanhou.
Bybel vir dowes/almal © Bybelgenootskap van Suid-Afrika 2007, 2008. Digitale Weergawe © Bybelgenootskap van Suid-Afrika 2012. Alle regte voorbehou. www.biblesa.co.za.
