2 Korinthiërs 11

₁As julle maar 'n klein bietjie dwaasheid van my sou kon verdra! Verdra my tog maar! ₂Want ek is jaloers oor julle met 'n goddelike jaloesie, aangesien ek julle aan een Man, aan •Christus, verbind het, om julle as 'n rein maagd aan Hom aan te bied. ₃Maar ek is bang dat, soos die slang vir Eva met sy geslepenheid mislei het, julle gedagtes dalk bederf kan raak, verwyderd van die opregte en reine toewyding aan Christus. ₄Want as iemand 'n ander Jesus kom verkondig wat ons nie verkondig het nie, of julle ontvang 'n ander gees wat julle nie ontvang het nie, of 'n ander evangelie wat julle nie aanvaar het nie, verdra julle dit geredelik. ₅Ek reken inderdaad dat ek in geen opsig terugstaan by die sogenaamde super-apostels nie. ₆Ek mag onbedrewe wees as spreker, maar nie onbedrewe in kennis nie – dit het ons julle in elke opsig en op allerlei maniere laat sien.

₇Of het ek 'n sonde begaan deur myself te verneder, sodat julle verhoog kon word, omdat ek die evangelie van God sonder betaling aan julle verkondig het? ₈Ander •gemeentes het ek beroof deur vergoeding te aanvaar om julle te bedien. ₉En terwyl ek by julle was en 'n tekort gehad het, het ek ook niemand geldelik belas nie, want die broers wat van Macedonië af gekom het, het voldoende in my behoeftes voorsien. Ek het my daarvan weerhou, en sal my daarvan weerhou, om in enige opsig vir julle 'n las te wees. ₁₀Die waarheid van Christus is in my: Hierdie roem van my sal nie verswyg word in die gebiede van Agaje nie. ₁₁Waarom? Omdat ek julle nie liefhet nie? God weet, ek het!

₁₂Maar wat ek doen, en sal voortgaan om te doen, is om diegene te verhinder wat 'n geleentheid soek om in die saak waaroor hulle spog, as ons gelykes beskou te word. ₁₃Want sulke mense is vals apostels, slinkse werkers, terwyl hulle hulleself vermom as •apostels van Christus. ₁₄En geen wonder nie; want selfs Satan vermom hom as 'n engel van die lig! ₁₅Daarom is dit ook nie vreemd as sy dienaars hulle ook vermom as dienaars van •geregtigheid nie. Hulle einde sal volgens hulle werke wees.

₁₆Ek sê weer: Laat niemand my as 'n dwaas beskou nie! Of anders: Aanvaar my dan nou maar as 'n dwaas, dat ek ook 'n bietjie oor iets kan spog. ₁₇Wat ek nou gaan sê, sê ek nie soos die Here dit sou doen nie, maar soos 'n dwaas, in vertroue op my eie gespog. ₁₈Aangesien daar baie is wat, volgens menslike standaarde, oor iets spog, sal ek dan ook maar oor iets spog. ₁₉Want julle verdra mos graag dwase mense, al is julle so verstandig! ₂₀Want julle verdra dit as iemand van julle slawe maak, as iemand julle uitsuig, as iemand julle misbruik, as iemand hooghartig optree, en julle in die gesig slaan. ₂₁Ek sê dit tot my skande, dat ons te swak geword het daarvoor. Maar waaroor iemand ook al waag om te spog – ek praat soos 'n dwaas – ek waag dit ook:

₂₈En afgesien van nog ander ongenoemde dinge, is daar daaglikse druk op my – my kommer oor al die •gemeentes.

₃₀As daar dan gespog moet word, sal ek oor my swakhede spog. ₃₁God, die Vader van die Here Jesus, wat lofwaardig is tot in ewigheid, weet dat ek nie lieg nie. ₃₂In Damaskus het koning Aretas se etnarg die stad Damaskus bewaak om my te arresteer. ₃₃Deur 'n venster in die stadsmuur is ek toe in 'n mandjie laat sak, en het ek aan sy hande ontkom.