Matteus 24

₁Jesus het uitgegaan en was besig om van die tempelterrein weg te beweeg. Sy dissipels het nader gekom om sy aandag op die tempelgeboue te vestig. ₂Maar Hy sê vir hulle: “Sien julle al hierdie geboue? •Amen, Ek sê vir julle: Hier sal beslis nie een klip op 'n ander gelaat word nie – alles sal afgebreek word.”

₃Terwyl Jesus op die Olyfberg gesit het, het die dissipels na Hom gekom en Hom eenkant gevra. “Sê vir ons,” het hulle gevra, “wanneer sal hierdie dinge plaasvind, en wat is die teken van u koms en van die voleinding van die tyd?” ₄Jesus het hulle geantwoord: “Pasop dat niemand julle mislei nie. ₅Want baie mense sal in my Naam na vore tree en sê, ‘Ek is die Christus!’ en hulle sal baie mense mislei. ₆Julle sal hoor van oorloë en gerugte van oorloë. Pasop, moenie verskrik raak nie. Want hierdie dinge moet gebeur, maar dit is nog nie die einde nie. ₇Een nasie sal immers teen 'n ander nasie optrek en een koninkryk teen 'n ander koninkryk, en daar sal hongersnood wees en aardbewings op een plek ná die ander. ₈Al hierdie dinge is die begin van die geboortepyne. ₉Dan sal hulle julle oorlewer om verdruk te word en julle doodmaak, en julle sal deur al die nasies gehaat word ter wille van my Naam. ₁₀Dan sal baie tot 'n val kom, mekaar oorlewer en mekaar haat. ₁₁Baie vals profete sal verskyn en hulle sal baie mense mislei. ₁₂En omdat die wetteloosheid sal toeneem, sal baie se liefde afkoel. ₁₃Wie egter volhard tot aan die einde, dié sal verlos word. ₁₄Hierdie evangelie van die koninkryk sal oor die hele wêreld verkondig word as getuienis vir al die nasies. En dan sal die einde kom.”

₁₅“Daarom, wanneer julle die gruwel van verwoesting waarvan die profeet Daniël praat, op die heilige plek sien staan – laat dié wat dit lees, goed begryp – ₁₆dan moet hulle wat in Judea is, na die berge vlug, ₁₇en wie op die dakstoep is, moet nie ondertoe gaan om besittings uit sy huis te gaan haal nie; ₁₈en wie op die landerye is, moet nie terugdraai om sy bokleed te gaan haal nie. ₁₉Wee hulle wat in daardie dae swanger is en borsvoed! ₂₀Bid dat julle nie in die winter en op die Sabbat sal moet vlug nie; ₂₁want dan sal daar groot verdrukking wees, soos daar sedert die begin van die wêreld tot nou toe nog nie was nie, en beslis ook nie weer sal wees nie. ₂₂As daardie dae nie ingekort word nie, sou geen mens gered word nie. Maar ter wille van die uitverkorenes sal daardie dae ingekort word.”

₂₃“As iemand dan vir julle sê, ‘Kyk, hier is die Christus!’ of ‘Hier is Hy!’ moet julle dit nie glo nie. ₂₄Want vals christusse en vals profete sal na vore tree, en hulle sal groot tekens en wonders doen om, indien moontlik, selfs die uitverkorenes te mislei. ₂₅Kyk, Ek het dit vooruit vir julle gesê. ₂₆As hulle dan vir julle sê, ‘Kyk, Hy is in die woestyn!’ moenie daarheen gaan nie, of ‘Kyk, Hy is in die binneste kamers!’ moet dit nie glo nie. ₂₇Want net soos die weerlig uitslaan in die ooste en skyn tot in die weste, so sal die koms van die •Seun van die Mens wees. ₂₈Waar die karkas lê, daar sal die aasvoëls versamel.

₂₉“Onmiddellik ná die verdrukking van daardie dae

₃₂“Leer hierdie les van die vyeboom: Sodra sy takke begin sag word en blare uitstoot, weet julle dat die somer naby is. ₃₃So moet julle ook, wanneer julle al hierdie dinge sien, weet dat dit naby is, voor die deur. ₃₄•Amen, Ek sê vir julle: Hierdie geslag sal beslis nie tot 'n einde kom voordat al hierdie dinge gebeur het nie. ₃₅Die hemel en die aarde sal tot 'n einde kom, maar my woorde sal beslis nie tot 'n einde kom nie.”

₃₆“Van daardie dag en uur dra niemand kennis nie, selfs nie die engele van die hemele nie, en ook nie die Seun nie, net die Vader alleen. ₃₇Want net soos in die dae van Noag, so sal die koms van die •Seun van die Mens wees. ₃₈Soos hulle immers in daardie dae voor die vloed besig was om te eet en te drink, om in die huwelik te tree en in die huwelik uit te gee, tot op die dag dat Noag die ark binnegegaan het, ₃₉en hulle niks vermoed het totdat die vloed gekom en almal meegesleur het nie, só sal ook die koms van die Seun van die Mens wees.

₄₅“Wie is dan die betroubare en verstandige slaaf vir wie die eienaar aangestel het oor sy huishouding om vir hulle op tyd kos te gee? ₄₆Gelukkig is daardie slaaf wie se eienaar hom so aan die werk sal vind wanneer hy kom. ₄₇•Amen, Ek sê vir julle: Hy sal hom oor al sy besittings aanstel. ₄₈As die slegte slaaf egter in sy hart sê, ‘My heer talm,’ ₄₉en hy begin sy medeslawe slaan, en hy eet en drink saam met die dronkes, ₅₀sal die eienaar van daardie slaaf op 'n dag kom wat hy nie verwag nie en op 'n uur wat hy nie weet nie. ₅₁Hy sal hom middeldeur laat kap en hom laat deel in die lot van die skynheiliges. Daar sal 'n geween wees en 'n gekners van tande.”