Psalms 12

₂Verlos tog, Here!

Want daar is nie meer

getroue volgelinge nie;

die betroubares onder die mense

het verdwyn.

₃Die een mens belieg die ander;

met vleiende lippe praat hulle

uit twee monde.

₄Mag die Here

al die vleiende lippe uitroei,

die tonge wat grootpraat,

₅hulle wat sê:

“Danksy ons tonge is ons sterk;

ons lippe is onder ons beheer.

Wie is heer oor ons?”

₆“Vanweë die geweld

teen die magteloses,

die gesug van die behoeftiges,

gaan Ek nóú opstaan,” sê die Here.

“Ek sal hulle wat daarna smag

na veiligheid bring.”

₇Die Here se woorde is suiwer woorde,

silwer wat gelouter is

in 'n smeltoond in die grond,

dit is sewe maal gesuiwer.

₈U, Here, moet hulle beskerm;

U moet elkeen altyd veilig hou

teen hierdie geslag.

₉Oral loop goddeloses rond,

terwyl die gemeenheid

van mensekinders hoogty vier.