GÉNESIS 36

₁EN dit is die geskiedenis van Esau, dit is Edom.

₂Esau het sy vroue geneem uit die dogters van Kanaän: Ada, die dogter van Elon, die Hetiet, en Oholibáma, die dogter van Ana, die dogter van Síbeon, die Hewiet;

₃en Basmat, die dogter van Ismael, die suster van Nébajot.

₄En Ada het vir Esau gebaar Élifas, en Basmat het gebaar Réhuel.

₅En Oholibáma het gebaar Jehus en Jáelam en Korag. Dit is die seuns van Esau wat vir hom gebore is in die land Kanaän.

₆Toe neem Esau sy vroue en sy seuns en sy dogters en al die mense van sy huis, sy vee en al sy diere en al sy besittings wat hy in die land Kanaän verwerf het, en hy trek na 'n land, wég van sy broer Jakob af;

₇want hulle besittings was te groot om saam te woon, en die land van hulle vreemdelingskap kon hulle nie dra vanweë hulle vee nie.

₈En Esau het gaan woon in die gebergte Seïr. Esau, dit is Edom.

₉Dit is dan die geskiedenis van Esau, die vader van die Edomiete, in die gebergte Seïr.

₁₀Dit is die name van die seuns van Esau: Élifas, die seun van Ada, die vrou van Esau; Réhuel, die seun van Basmat, die vrou van Esau.

₁₁En die seuns van Élifas was: Teman, Omar, Sefo en Gáetam en Kenas.

₁₂En Timna was 'n byvrou van Élifas, die seun van Esau; en sy het vir Élifas gebaar Ámalek. Dit is die seuns van Ada, die vrou van Esau.

₁₃En dit is die seuns van Réhuel: Nahat en Serag, Samma en Missa. Dit was die seuns van Basmat, die vrou van Esau.

₁₄En dit was die seuns van Oholibáma, die dogter van Ana, die dogter van Síbeon, die vrou van Esau — sy het vir Esau gebaar Jehus en Jáelam en Korag.

₁₅Dit is die stamhoofde onder die seuns van Esau. Die seuns van Élifas, die eersgeborene van Esau, was: die stamhoof Teman, die stamhoof Omar, die stamhoof Sefo, die stamhoof Kenas,

₁₆die stamhoof Korag, die stamhoof Gáetam, die stamhoof Ámalek. Dit is die stamhoofde van Élifas in die land Edom; dit is die seuns van Ada.

₁₇En dit is die seuns van Réhuel, die seun van Esau: die stamhoof Nahat, die stamhoof Serag, die stamhoof Samma, die stamhoof Missa. Dit is die stamhoofde van Réhuel in die land Edom. Dit is die seuns van Basmat, die vrou van Esau.

₁₈En dit is die seuns van Oholibáma, die vrou van Esau: die stamhoof Jehus, die stamhoof Jáelam, die stamhoof Korag. Dit is die stamhoofde van Oholibáma, die dogter van Ana, die vrou van Esau.

₁₉Dit is die seuns van Esau, en dit is hulle stamhoofde. Dit is Edom.

₂₀Dit is die seuns van Seïr, die Horiet, die eerste inwoners van die land: Lotan en Sobal en Síbeon en Ana

₂₁en Dison en Eser en Disan. Dit is die stamhoofde van die Horiete, die seuns van Seïr in die land Edom.

₂₂En die seuns van Lotan was Hori en Hemam; en die suster van Lotan was Timna.

₂₃En dit is die seuns van Sobal: Alwan en Manáhat en Ebal, Sefo en Onam.

₂₄En dit is die seuns van Síbeon: Aja en Ana. Dit is dié Ana wat die warm fonteine in die woestyn gekry het toe hy die esels van sy vader Síbeon opgepas het.

₂₅En dit is die seuns van Ana: Dison; en Oholibáma was die dogter van Ana.

₂₆En dit is die seuns van Dison: Hemdan en Esban en Jitran en Keran.

₂₇Dit is die seuns van Eser: Bilhan en Saäwan en Akan.

₂₈Dit is die seuns van Disan: Us en Aran.

₂₉Dit is die stamhoofde van die Horiete: die stamhoof Lotan, die stamhoof Sobal, die stamhoof Síbeon, die stamhoof Ana,

₃₀die stamhoof Dison, die stamhoof Eser, die stamhoof Disan. Dit is die stamhoofde van die Horiete volgens hulle stamme in die land Seïr.

₃₁En dit is die konings wat geregeer het in die land Edom voordat daar 'n koning geregeer het oor die kinders van Israel:

₃₂Bela, die seun van Beor, het geregeer in Edom; en die naam van sy stad was Dinhába.

₃₃En ná die dood van Bela het Jobab, die seun van Serag, van Bosra, in sy plek geregeer.

₃₄En ná die dood van Jobab het Husam, uit die land van die Temaniete, in sy plek geregeer.

₃₅En ná die dood van Husam het Hadad, die seun van Bedad, wat die Midianiete verslaan het in die veld van Moab, in sy plek geregeer, en die naam van sy stad was Awit.

₃₆En ná die dood van Hadad het Samla van Másreka in sy plek geregeer.

₃₇En ná die dood van Samla het Saul van Réhobot, aan die rivier, in sy plek geregeer.

₃₈En ná die dood van Saul het Baäl-Hánan, die seun van Akbor, in sy plek geregeer.

₃₉En ná die dood van Baäl-Hánan, die seun van Akbor, het Hadar in sy plek geregeer; en die naam van sy stad was Pahu; en die naam van sy vrou was Mehetábeël, die dogter van Matred, die dogter van Mésahab.

₄₀Dit is die name van die stamhoofde van Esau, volgens hulle geslagte, volgens hulle woonplekke, met hulle name: die stamhoof Timna, die stamhoof Alwa, die stamhoof Jetet,

₄₁die stamhoof Oholibáma, die stamhoof Ela, die stamhoof Pinon,

₄₂die stamhoof Kenas, die stamhoof Teman, die stamhoof Mibsar,

₄₃die stamhoof Mágdiël, die stamhoof Iram. Dit is die stamhoofde van Edom, volgens hulle verblyfplekke in die land van hulle besitting. Dit is Esau, die stamvader van die Edomiete.