JOSUA 15

₁EN vir die stam van die kinders van Juda, volgens hulle geslagte, het die lot geval: teen die grens van Edom, suidelik na die woestyn Sin toe, tot ver in die suide;

₂en hulle suidelike lyn was van die end van die Soutsee, van die tong af wat na die suide toe uitsteek;

₃en dit loop aan suid van Skerpioennek en loop oor na Sin en loop op suid van Kades-Barnéa en loop oor na Hesron en loop op na Addar en swaai na Karka toe;

₄dan loop dit oor na Asmon en loop aan na die spruit van Egipte, sodat die lyn doodloop by die see; dit sal julle suidelike lyn wees.

₅En die oostelike lyn: Die Soutsee tot by die mond van die Jordaan. En die lyn aan die noordekant: Van die tong van die see, van die mond van die Jordaan af

₆loop die lyn op na Bet-Hogla en loop oor noord van Bet-Áraba; dan loop die lyn op na die klip van Bohan, die seun van Ruben.

₇Verder loop die lyn op na Debir, van die dal Agor af, en swaai dan noord na Gilgal wat teenoor die hoogte van Adúmmim, suidelik van die spruit lê; dan loop die lyn oor na die waters van die fontein Semes, sodat dit doodloop by die fontein Rogel.

₈Verder loop die lyn op na die dal Ben-Hinnom, na die suidelike hang van die Jebusiete, dit is Jerusalem; dan loop die lyn op na die top van die gebergte wat westelik voor die dal Hinnom lê, wat aan die noordelike einde van die dal Refáim is.

₉Van die top van die berg af buig die lyn dan om na die fontein van die waters van Neftóag en loop aan na die stede van die gebergte Efron; verder buig die lyn om na Báäla, dit is Kirjat-Jeárim.

₁₀Dan swaai die lyn van Báäla af weg in westelike rigting na die gebergte Seïr en loop oor na die noordelike hang van die berg Jeárim, dit is Késalon, en loop af na Bet-Semes en loop oor na Timna.

₁₁Verder loop die lyn aan noord na die hang van Ekron; dan buig die lyn om na Sikron en loop oor die berg Báäla en loop aan na Jábneël, sodat die lyn doodloop by die see.

₁₂Die westelike grens was die Groot See saam met sy gebied; dit is die lyn rondom van die kinders van Juda volgens hulle geslagte.

₁₃Maar aan Kaleb, die seun van Jefúnne, het hy 'n aandeel onder die kinders van Juda gegee, volgens die bevel van die Here aan Josua: die stad van Arba, die vader van Enak, dit is Hebron.

₁₄En Kaleb het die drie seuns van Enak: Sesai, Ahíman en Talmai, afstammelinge van Enak, daaruit verdrywe.

₁₅En daarvandaan het hy opgetrek teen die inwoners van Debir; maar die naam van Debir was tevore Kirjat-Sefer;

₁₆en Kaleb het gesê: Hy wat Kirjat-Sefer verslaan en dit inneem, aan hom sal ek my dogter Agsa as vrou gee.

₁₇Daarop het Ótniël, die seun van Kenas, die broer van Kaleb, dit ingeneem; en hy het sy dogter Agsa aan hom as vrou gegee.

₁₈En toe sy aankom, het sy hom aangespoor om van haar vader 'n stuk grond te vra; en toe sy van die esel afklim, sê Kaleb vir haar: Wat wil jy hê?

₁₉En sy sê: Gee my tog 'n geskenk; omdat u my na 'n dor land versit het, moet u my waterfonteine gee. Toe gee hy haar fonteine op die hoogte en fonteine in die laagte.

₂₀Dit is die erfdeel van die stam van die kinders van Juda, volgens hulle geslagte.

₂₁En die stede van die uiteinde van die stam van Juda se kinders af tot by die grens van Edom was in die suide: Kábseël en Eder en Jagur,

₂₂en Kina en Dimóna en Adáda,

₂₃en Kedes en Hasor en Jitnan,

₂₄Sif en Telem en Béalot,

₂₅en Hasor-Hadátta en Kériot-Hesron, dit is Hasor;

₂₆Amam en Sema en Mólada,

₂₇en Hasar-Gadda en Hesmon en Bet-Palet,

₂₈en Hasar-Sual en Beër-Seba en Bisjótja,

₂₉Báäla en Ijjim en Esem,

₃₀en Éltolad en Kesil en Horma,

₃₁en Siklag en Madmánna en Sansánna,

₃₂en Lebáot en Silhim en Ajin en Rimmon; al die stede saam negen-en-twintig, met hulle dorpe;

₃₃in die Laeveld: Estáol en Sórea en Asna,

₃₄en Sanóag en En-Gannim, Tappúag en Enam,

₃₅Jarmut en Adúllam, Sogo en Aséka,

₃₆en Saäráim en Adítaim en Gedéra en Gedérotaim: veertien stede met hulle dorpe;

₃₇Senan en Hadása en Migdal-Gad,

₃₈en Dilean en Mispe en Jókteël,

₃₉Lagis en Boskat en Eglon,

₄₀en Kabbon en Lagmas en Kitlis,

₄₁en Géderot, Bet-Dagon en Náäma en Makkéda: sestien stede met hulle dorpe;

₄₂Libna en Eter en Asan,

₄₃en Jiftag en Asna en Nesib,

₄₄en Kehíla en Agsib en Marésa: nege stede met hulle dorpe;

₄₅Ekron met sy onderhorige plekke en sy dorpe;

₄₆van Ekron af en na die weste toe, alles wat aan die kant van Asdod lê, met hulle dorpe;

₄₇Asdod, sy onderhorige plekke en sy dorpe; Gasa, sy onderhorige plekke en sy dorpe, tot by die spruit van Egipte en die Groot See saam met sy gebied;

₄₈en op die Gebergte: Samir en Jattir en Sogo,

₄₉en Danna en Kirjat-Sanna, dit is Debir,

₅₀en Anab en Estémo en Anim,

₅₁en Gosen en Holon en Gilo: elf stede met hulle dorpe;

₅₂Arab en Duma en Esean,

₅₃en Janum en Bet-Tappúag en Aféka,

₅₄en Humta en Kirjat-Arba, dit is Hebron, en Sior: nege stede met hulle dorpe;

₅₅Maon, Karmel en Sif en Jutta,

₅₆en Jísreël en Jókdeam en Sanóag,

₅₇Kain, Gíbea en Timna: tien stede met hulle dorpe;

₅₈Halhul, Bet-Sur en Gedor,

₅₉en Máärat en Bet-Anot en Éltekon: ses stede met hulle dorpe;

₆₀Kirjat-Baäl, dit is Kirjat-Jeárim, en Rabba: twee stede met hulle dorpe;

₆₁in die woestyn: Bet-Áraba, Middin en Segága,

₆₂en Nibsan en die Soutstad en Éngedi: ses stede met hulle dorpe.

₆₃Maar die kinders van Juda kon die Jebusiete, die inwoners van Jerusalem, nie verdryf nie; daarom het die Jebusiete saam met die kinders van Juda in Jerusalem bly woon tot vandag toe.