JOSUA 21

₁TOE het die familiehoofde van die Leviete nader gekom na Eleásar, die priester, en na Josua, die seun van Nun, en na die familiehoofde van die stamme van die kinders van Israel,

₂en met hulle gespreek in Silo, in die land Kanaän, en gesê: Die Here het deur die diens van Moses bevel gegee dat aan ons stede afgestaan moet word om in te woon, met hulle weiveld vir ons vee.

₃Toe het die kinders van Israel aan die Leviete, volgens die bevel van die Here, uit hulle erfdeel die volgende stede met hulle weiveld afgestaan:

₄Die lot het uitgekom vir die geslagte van die Kehatiete; en die kinders van Aäron, die priester, uit die Leviete, het ontvang uit die stam van Juda en uit die stam van Símeon en uit die stam van Benjamin, deur die lot, dertien stede;

₅en die ander kinders van Kehat, uit die geslagte van die stam van Efraim en uit die stam van Dan en uit die halwe stam van Manasse, deur die lot, tien stede;

₆en die kinders van Gerson, uit die geslagte van die stam van Íssaskar en uit die stam van Aser en uit die stam van Náftali en uit die halwe stam van Manasse in Basan, deur die lot, dertien stede;

₇en die kinders van Merári, volgens hulle geslagte, uit die stam van Ruben en uit die stam van Gad en uit die stam van Sébulon, twaalf stede.

₈So het dan die kinders van Israel aan die Leviete hierdie stede met hulle weiveld deur die lot gegee, soos die Here deur die diens van Moses beveel het.

₉Verder het hulle, uit die stam van die kinders van Juda en uit die stam van die kinders van Símeon, hierdie stede gegee wat hulle met hul name genoem het:

₁₀die kinders van Aäron dan, uit die geslagte van die Kehatiete, uit die kinders van Levi, het ontvang — want die eerste lot was vir hulle —

₁₁en aan hulle is gegee: die stad van Arba, die vader van Anok, dit is Hebron, op die gebergte van Juda, met sy weiveld daaromheen;

₁₂maar die saaigrond van die stad, met sy dorpe, het hulle aan Kaleb, die seun van Jefúnne, as sy besitting gegee.

₁₃En aan die kinders van Aäron, die priester, het hulle gegee Hebron, die vrystad vir hom wat 'n doodslag begaan het, met sy weiveld, en Libna met sy weiveld,

₁₄en Jattir met sy weiveld, en Estemóa met sy weiveld,

₁₅en Holon met sy weiveld, en Debir met sy weiveld,

₁₆en Ajin met sy weiveld, en Jutta met sy weiveld, en Bet-Semes met sy weiveld: nege stede uit hierdie twee stamme.

₁₇En uit die stam van Benjamin: Gíbeon met sy weiveld, en Geba met sy weiveld,

₁₈en Ánatot met sy weiveld, en Almon met sy weiveld: vier stede.

₁₉Al die stede van die kinders van Aäron, die priesters, was dertien stede met hulle weiveld.

₂₀En die geslagte van die kinders van Kehat, die Leviete, wat nog oor was van die kinders van Kehat, het hulle stede wat deur die lot aangewys was, ontvang uit die stam van Efraim;

₂₁en hulle het aan hulle gegee: die vrystad vir hom wat 'n doodslag begaan het: Sigem met sy weiveld op die gebergte van Efraim, en Geser met sy weiveld,

₂₂en Kibsáim met sy weiveld, en Bet-Horon met sy weiveld: vier stede.

₂₃En uit die stam van Dan: Élteke met sy weiveld, Gíbbeton met sy weiveld,

₂₄Ájalon met sy weiveld, Gat-Rimmon met sy weiveld: vier stede.

₂₅En uit die helfte van die stam van Manasse: Táänag met sy weiveld, en Gat-Rimmon met sy weiveld: twee stede;

₂₆alles saam tien stede met hulle weiveld vir die geslagte van die kinders van Kehat wat nog oorgebly het.

₂₇En aan die kinders van Gerson uit die geslagte van die Leviete: uit die halwe stam van Manasse, die vrystad vir hom wat 'n doodslag begaan het: Golan in Basan met sy weiveld, en Beëstéra met sy weiveld: twee stede.

₂₈En uit die stam van Íssaskar: Kisjon met sy weiveld, en Dáberat met sy weiveld,

₂₉Jarmut met sy weiveld, En-Gannim met sy weiveld: vier stede.

₃₀En uit die stam van Aser: Miseal met sy weiveld, Abdon met sy weiveld,

₃₁Helkat met sy weiveld, en Rehob met sy weiveld: vier stede.

₃₂En uit die stam van Náftali, die vrystad vir hom wat 'n doodslag begaan het: Kedes in Galiléa met sy weiveld, en Hammot-Dor met sy weiveld, en Kartan met sy weiveld: drie stede;

₃₃al die stede van die Gersoniete, volgens hulle geslagte, was dertien stede met hulle weiveld.

₃₄En aan die geslagte van die kinders van Merári, die Leviete wat nog oor was — uit die stam van Sébulon: Jókneam met sy weiveld, Karta met sy weiveld,

₃₅Dimna met sy weiveld, Náhalal met sy weiveld: vier stede.

₃₆En uit die stam van Ruben: Beser met sy weiveld, en Jahas met sy weiveld,

₃₇Kedémot met sy weiveld, en Mefáät met sy weiveld: vier stede.

₃₈En uit die stam van Gad, die vrystad vir hom wat 'n doodslag begaan het: Ramot in Gílead met sy weiveld, en Mahanáim met sy weiveld,

₃₉Hesbon met sy weiveld, Jaéser met sy weiveld: alles saam vier stede.

₄₀Al die stede was vir die kinders van Merári, volgens hulle geslagte wat nog oor was uit die geslagte van die Leviete; en hulle lot was twaalf stede.

₄₁Al die stede van die Leviete, tussen die besitting van die kinders van Israel in, was agt-en-veertig stede met hulle weiveld.

₄₂Hierdie stede het stad vir stad rondom hulle weiveld gehad; so was dit met al hierdie stede.

₄₃So het die Here dan die hele land aan Israel gegee wat Hy hulle vaders met 'n eed beloof het om hulle te gee; en hulle het dit in besit geneem en daarin gaan woon.

₄₄En die Here het hulle aan alle kante rus gegee net soos Hy hulle vaders met 'n eed beloof het; en niemand van al hul vyande het voor hulle standgehou nie; al hulle vyande het die Here in hulle hand gegee.

₄₅Geen woord van al die goeie woorde wat die Here met die huis van Israel gespreek het, het onvervuld gebly nie; alles het uitgekom.