1Mehleng yeo mo nageng ya Juda go tlo hlabja sefela se: Re ne motse wo o tiilego; merako le magoro di beetšwe go phološa. 2Bulang dikgoro go tsene setšhaba se bolo selatapotego. 3Dipelo di thekgilwe, o theile khutšo, khutšo ka ge go botilwe wena. 4Botang Morena ka mehla le mehla; gobane ge le na le yena, le na le Morena lentswe la mehleng. 5Gobane o uša badulatletlolo, motsemophagami; o o kokobetša fasefase, o o digela leroleng. 6O gatakelwa ka maoto, maoto a bahlaki, dinao tša babotla. 7Tsela ya yo bolo e molaleng; go loka mmila wa yo bolo ge o lekelanywa ke wena. 8Morena, re lebeletše wena, le tsela ya moahlolelo wago; dipelo di hlologetšwe ina la gago, le direto tšago. 9Pelo ya ka e lala e go hlologetšwe; le moya wa ka o go phafogela ka teng ga ka e sa le ka meso; gobane ge lefase le ka ba le moahlolelo wago, ba ba agilego mo go lona ba ka rutwa toko. 10Yo mobe -- le go setšwa -- ga a ithute toko; le mo nageng ya mekgwa e mebotse o fo senya; bogolo bja Morena ga bo bone. 11Morena, ge tsogo la gago le phagamile, ga ba lemoge; ba tlo ba ba di bona, ba lewe ke dihlong, ge o pelofaletše tšhaba sa gago, mollo wa ge o galefetše manaba a gago ge o ba ja. 12Morena, o tlo re nea khutšo; gobane ka moka tše re di dirilwego, re di dirilwe ke wena. 13Morena, re ba go bušwa ke marena a a ronanago nago; fela, ina re reta la gago le nnoši. 14Ba ba hwilego ba ka se ke ba phela; diriti di ka se hlwe di tsoga, gobane o ba hlotše wa ba fetša; maina a bona ka moka o a phumotše. 15Morena, o kile wa atiša tšhaba se, wa retwa o se atišitše, o katološitše mellwane ya naga yohle. 16Morena, ba tlile ba go nyaka ba tlaletšwe, ba tšholla dithapelo mohla o ba sola. 17O re bone re etša moima, re šokwa boka mmelegi, re ithatlatlela re tlaletšwe. 18Re be re amere ra šokwa; mme ra tswala phefo. Ga ra hola naga selo, go sa ka gwa tšwelela ba go dula naga. 19Bahu ba gago ba tlo phela, le wa ka mmele. Ba tlo tsoga. Phafogang! Hlalalang! Ba le robetšego leroleng; gobane phoka ya gago ke phoka ya seetša; mme lefase le tlo ntšha ba hwilego.
