Sereto sa Debora
1Mohlang woo Debora le Baraka ba reta ba re:
2Lebogang Morena! Ketapele di etile pele ga Isiraele; setšhaba sa ithapa sa tla.
3Hee lena magoši, kwang. Balaodi, le sekege tsebe.
nna, nna, ke bina koša ya Morena.
A ke leletše Morena, Modimo wa Isiraele.
4Morena, mohla wola o etšwa Saire,
mohla wola o gata fase la Edomo,
lefase la duma, lerata la rotha,
maru a rothiša meetse.
5Dithaba tša tšhoga go etla Morena;
ya Sinai še e tšhoga Morena Modimo wa Isiraele.
6Mehleng ya Samogara morwa wa Anathe,
mehleng ya Bojaele, ditsela di wetše kgwahlana,
baeti ba be ba swara ka tša go rara.
7Beng ba la Isiraele ba hlokega;
gwa ba gwa tsoga wena Debora,
wa tsoga, wena mmago Isiraele.
8Mola ba rata medimo e meswa,
dintwa tša lwewa kgorong,
gwa hlokwa kotse le lerumo
go Isiraele, go dikete tše masomemane.
9Nna pelo ya ka e rata kgwadi tša Isiraele;
ba go ithapa mo setšhabeng! Lebogang Morena!
10Ba go tla ba nametše dipokolotšhwana,
ba go dula ba aletšwe kgogwa,
ba go tla ka tsela; Le opeleng!
11Selewe lentšu la ditšhego sedibeng,
ba fana tša go loka ga Morena,
tša go loka ga beng ba lefase ba Isiraele,
tša mohla batho ba Morena ba fologela dikgorong.
12Phafoga! Phafoga! Debora-wee!
Phafoga! Phafoga! O hlabelele koša!
Nanoga! Baraka! O thope mathopša, morwa wa Abinoama!
13Mohla woo mašalela a phalalela bakgoma;
setšhaba sa Morena sa theoga wa bagale.
14Baefuraimi, batsemamedu go la Amaleke,
le latelwa ke Babenyamini madireng a lena;
ga Makiri gwa theoga balaodi;
go Sebulone gwa ba mahlotlo a balai.
15Bakgomana ba Isashara ba tšwa le Debora;
moetša-Isašara ke Baraka,
moišwamoeleng le nao tša gagwe.
Dinokaneng tša ga Rubeni
gwa ba le pelaelokgolo.
16O reng o šala merakeng?
O be o sa theeletša di bokolla mehlapeng,
dinokaneng tša ga Rubeni
gwa ba le pelaelokgolo.
17Gileada a šala a le mošola Jorodane.
Dani o reng a šika le matshelawatle?
Asere a šala a dutše botong la lewatle,
a khutile mo go lego madibogo alo.
18Batho ke Basebulone, ba go se šie lehu,
le Banafutali ba dihlaba kua dirwaolong.
19Go tlile magoši; ya ba tlhabano,
go elwa magoši a Kanana,
fa Thaanake, Megido nokeng,
ba se rebole silifera.
20Dinaledi tša godimo tša tšwa dira,
tša lwa le Sisera di le mo tseleng tša tšona.
21Ba tšewa ke nokana ya Kisoni,
nokana ya ditlhabanong, nokana ya Kisoni.
Hee pelo ya ka, gata ka maatla.
22Mohla wola gwa gata dihlako tša pitsi,
ka kitimešito ya bakgoma.
23Rogang Merose, o rea o motseta wa Morena.
Rogang, le roge beng ba motse woo,
ka ge ba sa ka ba tla ba ema le Morena,
ba se eme le Morena le bagale.
24Moshegofatšwa go basadi ke Jaele,
mogatša wa Hebere wa Mokeni,
moshegofatšwa go basadi mešašeng.
25O mo kgopetše meetse; a mo nea maswi.
A mo gela lebese ka mokgopu wa marena.
26A iša seatla, a tšea lemapolo,
ka le letona a swara noto e kgolo,
a tula, a pšhatlaganya hlogo ya Sisera;
ya phumega a mo phutše tlhoka.
27A rita a le mo naong tša gagwe, a kanama;
a rita a le mo naong tša gagwe; a le fase;
a rita gona moo a kaname, ya ba “swee”.
28O hlola ka nthobana ya morako a tsetsela,
mma go Sisera o bobola a le diphaong.
Koloi ya gagwe e diega kae e sa boe?
Mešito ya dipitsi tšagwe e nteteletsang?
29Bahlalefi ba bahumagadi ba fetola. Ka ge a rela a touta a re bjalo, ba re:
30A ga se gore ba sa abaganya dithebola?
Monna phuti, monna phuti le ge e le tše pedi;
mašela a serena a tšewa le Sisera.
Ba rebotše diaparo tša mabalabala,
tše botsebotse tša mabalabala di šikerwe ke mathopša.
31Anthe a lobile ohle manaba a gago, Morena.
Ba ba go ratago a ba etše tšatši ge le hlaba le ne maatla.
Naga ya khutša masome a mane a nywaga.
