NEHEMIA 12

₁Baperisita le Balefi ba ba boilego Babele ba na le Serubabele morwa wa Sealathiele le Jeshua, šeba: Ke Seraya, le Jeremia, le Esera, ₂le Amaria, le Maluka, le Hatusi, ₃le Sekanya, le Rahuma, le Meremothe, ₄le Ido, le Ginithoi, le Abia, ₅le Miyamini, le Maadia, le Bilia, ₆le Semaya, le Joyariba, le Jedaya, ₇le Salu, le Amoka, le Hilikia, le Jedaya. Ke bona ba e bego e le ba bagolo ba baperisita, le bana ba bobona mehleng ya Jeshua.

₈Balefi e be e le Jeshua, le Binui, le Kadimiele, le Serebya, le Jehuda, le Mathanya, yena le bana babo e be e le bahlabeledi ba difela tša tebogo.

₉Le Bakabukia, le Uni, le bana babo, e be e le ba go dirišana nabo.

₁₀Jeshua a tswala Joyakima; Joyakima a tswala Eliyasiba; Eliyasiba a tswala Joyada; ₁₁Joyada a tswala Jonathane; Jonathane a tswala Jadua.

₁₂Mehleng ya Joyakima baperisita ba e bego e le bagolo ba moloko e be e le Mereya wa ga Seraya, le Hananya wa ga Jeremia. ₁₃Wa ga Esera e be e le Mesulama; wa ga Amaria e be e le Johanani; ₁₄wa ga Maluka e be e le Jonathane; wa ga Sebanya e be e le Josefa; ₁₅wa ga Harima e be e le Adina; wa ga Meyarothe e be e le Helekai; ₁₆wa ga Ido e be e le Sakaria; wa ga Ginithoni e be e le Mesulama; ₁₇wa ga Abia e be e le Sikiri; wa ga Minyamini e be e le Pilitai; ₁₈wa ga Biliga e be e le Samua; wa ga Semaya e be e le Jonathane; ₁₉wa ga Joyariba e be e le Mathanai; wa ga Jedaya e be e le Usi; ₂₀wa ga Salai e be e le Kalai; wa ga Amoka e be e le Ebere; ₂₁wa ga Hilikia e be e le Hasabya; wa ga Jedaya e be e le Nathanaele.

₂₂Ge e le Balefi mehleng ya Eliyasiba le Joyada le Jodua, go be go ngwadilwe ba e lego bagolo ba meloko, le baperisita ba mehla go buša Dario wa Peresia.

₂₃Balefi ba e lego bagolo ba meloko ba ngwadilwe pukung ya ditaba tša kgale go fihla ba mehleng ya Johanani morwa wa Eliyasiba.

₂₄Maina a bagolo ba Balefi šea: Ke Hasabya, le Serebya, le Jeshua morwa wa Kadimiele, le bana ba bobona ba ba bego ba dirišana nabo ditumišong le ditebogong ka mo Dafida monna wa Modimo a laetšego ka gona gwa bapetšwa sehlopha le sehlopha; ₂₅le Mathanya, le Bakebukia, le Obadya, le Mesulama, le Talamoni, le Akuba. E be e le baleti ba dikgoro, ba hlapetša polokelong ya dikgorong.

₂₆Ke bona ba ba bego ba le gona mehleng ya Joyakima morwa wa Jotsadaka, le mehleng ya Nehemia molakanaga, le Esera moperisita moruti wa mangwalo.

₂₇Mohla ba kgakola morako wa Jerusalema Balefi ba bitšwa mo go fela mo ba bego ba dutše gona, ba tla Jerusalema ba kgakola morako ka go thaba, le ka go leboga, le ka go opela, le ka meropa, le ka makope, le ka diletšo. ₂₈Ke moka bagolo ba baopedi ba kgobokana ba etšwa melaleng e lego tikologong ya Jerusalema, le metseng ya bahlanka ba Ntlokgethwa; ₂₉ba rotoga ba etšwa le Giligala, le mašemong a Gibea le Asimafethe, gobane baopedi ba be ba ikagetše metsana kgauswi le Jerusalema. ₃₀Baperisita le Balefi ba ithakgafatša, ba thakgafatša le setšhaba, le dikgoro, le morako.

₃₁Ke moka ba nametša bakgoma morako, ba bea dihlopha tše pedi tše dikgolo tša baopedi ba ba lebogago, ba sepela ba lokologane; sehlopha sa ka thoko ya borwa se le morakong, sa leba kgoro ya morole, ₃₂sa latelwa ke Hosaya le ba bangwe ba bakgoma ba Juda, ₃₃le Asaria, le Esera, le Mesulama, ₃₄le Juda, le Benyamini, le Semaya, le Jeremia, ₃₅le ba bangwe ba baperisita, ba swere diphalafala, e lego Sakaria morwa wa Jonathane, morwa wa Semaya, morwa wa Mathanya, morwa wa Mikaya, morwa wa Sakuri, morwa wa Asafa, ₃₆le bana ba boSemaya, le Asariele, le Milalai, le Gilalai, le Nathanaele, le Juda, le Hanani e a bego a swere diletšo tša Dafida monna wa Modimo; gomme Esera moruti wa mangwalo o be a ba etile pele. ₃₇Ba ya ba leba kgoro ya sediba, ba tla ba bapelana le ba bangwe, ka moka ba rotoga ka manamelo a go ya motseng wa Dafida, ka tsela e rotogelago morakong wa ka tletlolo ga ngwako wa Dafida, ba tla kgorong ya meetse ya ka thoko ya bohlabela.

₃₈Sehlopha sela se sengwe sa baopedi ba ditebogo sa ya se leba thoko ya leboa; nna ka se šala nthago le ba bangwe ba setšhaba, sa sepela se le morakong ka tletlolo ga sebo sa dibešo sa tla ka morakong o mogolo. ₃₉Ba feta ka tletlolo ga kgoro ya Efuraimi, ba leba kgoro e tala, ba tsebo leba kgoro ya dihlapi le sebo sa Hananaele, le sebo sa Mea, ba tla ka kgorong ya dinku ba ema kgorong ya kgolego.

₄₀Gomme dihlopha tše pedi tšeo tša baopedi ba ditebogo tša tla tša ema Ngwakong wa Modimo, le nna ka ema moo, ke na le ba bangwe ba bagolo. ₄₁Baperisita, boElaikima, le Maaseya, le Minyamini, le Mikaya, le Elioenai, le Sekaria, le Hananya, ba be ba swere diphalafala, ₄₂ba na le Maaseya, le Semaya, le Eleasara, le Usi, le Johanani, le Malakia, le Elama, le Esere. Baopedi ba na ba hlaboša mantšu ba na le Jisiraya mohlabeledi wa bona.

₄₃Mohla woo gwa na gwa hlabja dihlabelo tše kgolo, ba thaba ka gobane Modimo a ba thabišitše ka thabo e kgolo; le basadi le bana ba na ba thaba. Thabo ya Jerusalema ya ba ya kwewa ke ba kgole.

₄₄Mohla woo gwa bewa banna go laka nywakwana ya dipolokelo tša motšhelo le tša dithakangwaga le tša dikarolo tša lesome, gore go kgobelwe tša mašemo a metse le dibego tše di laetšwego ke molao, ya ba tša baperisita le tša Balefi ba ba beilwego. ₄₅Gomme ba hlokomela tše di swanetšego go hlokomelwa tša Modimo le tša molao wa thakgafatšo, le mediro ya baopedi le baletakgoro, ka mo Dafida le Salomo morwa wa gagwe ba bego ba laetše ka gona. ₄₆Gobane mehleng ya bogologolo ya Dafida le Asafa go be go beilwe bagolo ba baopedi ba difela tša ditumišo le tša go leboga Modimo. ₄₇Gomme mehleng ya Serubabele le Nehemia Baisiraele ka moka ba ntšhetša baopedi le baletakgoro dikabelo tša ka mehla, ba di kgethela Balefi, gomme Balefi ba arolela barwa ba Arone.