NEHEMIA 9

₁Ka la masome a mabedi a metšo e mene la kgwedi yeo Baisiraele ba kgobokana, ka ikona dijo ba apere mankgeretla, ba itšhetše dihlogo lerole. ₂Ba e bego e le ba mohuta wa Isiraele ba itlhaola go ba ditšhaba, ba ema ba bobola dibe tša bona le melato ya botatabo. ₃Ba ema felo fala ga bona, mme gwa balwa puku ya molao wa Morena Modimo wa bona ka nako tše tharo tša letšatši; ba tsebo fetša tše dingwe tše tharo ba ipobola ba rapela Modimo wa bona.

₄Gomme Jeshua, le Bani, le Kadimiele, le Sebanya, le Buni, le Serebya, le Bani, le Kenani, bona ba ba hlaboša mantšu ba rapela Morena Modimo wa bona ba eme mo sethaleng se se phagamilego sa Balefi.

₅Gomme Balefi, boJeshua, le Kadimiele, le Bani, le Hasabaneya, le Serebja, le Hodia, le Sebanya, le Phetay, ba re: Emang le rete Morena Modimo wa lena wa mehleng ya kgale le mehleng ya neng le neng. Go retwe inadima lagwe le sa fihlelwego ka ditheto le ka ditumišo.

₆Morena ke wena o nnoši, Motheamagodimo a godimodimo, le lefase le tšohle tše go lona, le mawatle le tšohle tše go ona. Mme tšohle o a di phediša; makoko ohle a leratadima a go lotšha. ₇Ke wena o lego Morena, Modimo yola wa go kgetha Aborama, wa mo ntšha Uri Kaladea, wa mo rea la Aborahama. ₈Wa mo hwetša e le wa pelo ya go go botegela; wa tlema kgwerano le yena, wa re: Naga ye ya Bakanana le Bahethe, ya Baamoro le ya Bapherese, le ya Bajebusi le Bagirigasi, wa re: Ke e fa bana bago! Wa ba wa dira ka mo o boletšego; gobane Moloki ke wena. ₉Wa bona borrawešo ba lla tšhego Egipita, wa theetša kolomelo tšabo kua Lehlakawatle. ₁₀Farao le dikala le malata wa ba dira tše matete le mehlolo, o bone ba ba dira ka sehlogo; wa ithetiša le nankhono. ₁₁Le lewatle wa fatola mme ba tsena, ba tshela gara watle go omile. Bahwarihli wa ba wetša mafuleng, ba tompela wa letlapa madibeng. ₁₂Mosegare wa ba eta pele o le mo lerung; bošego ya ba mollo, serumula sa leeto labo. ₁₃Thaba ya Sinai, o fologetše mo go yona; wa bolela nabo o le godimong, wa ba nea mekgwa ya go loka, le melao ya therešo, ditaelo le tshwanelo tše di bolo. ₁₄Tšatši lago la Sabathakgethwa wa ba tsebiša lona, wa ba laela ditshwanelo le taelo le melao ka Moshe molata wago. ₁₅Tlaleng ya bona wa ba nea dijo ditšwagodimong, wa phula meetse a lentsweng mohla ba nyorilwe, wa re: ba yo tšea naga yela, ye o ba enetšego yona, wa re e tlo ba ya bona. ₁₆Fela, bona borrawešo baipoti, ba dinganga, ba lesa go kwa mo o bego o ba laya. ₁₇Ba gana go kwa; ba gakwa tša mola o dira matete ka baka la bona. Ba nganga, ba ngala, ba re ba boela bohlankeng; ba realo ba ne lonya. Mme wena Modimo, Ramabobo, Radikgaugelo, Ralešoko, Mosafelapelo, Mmatabotho, ga wa ka wa ba lahla. ₁₈Le mola ba dira namane ya seswantšho, ba re ke modimo morentšha Egipita, ba dira dilalogi tše dikgolo, ₁₉wena wa nama le mabobo ago a magolo, wa se ba tlogele mašokeng; leru la thololo mosegare la fela le ba hlahla; mollo wa thololo wa fela o ba bonegela tsela ya bošego. ₂₀Wa ba nea Moya wago wa tše bolo wa ba ruta; wa se be wa ba kuna manna yago; wa fela o ba nea meetse ba nyorilwe. ₂₁Wa ba ekelela mašokeng ka nywaga e masomemane, ba se hloke selo, gwa se onale kobo, gwa se ruruge nao. ₂₂Wa ba gafela naga le ditšhaba; wa ba beela mellwane ya bona; ba tšea naga ya Sihoni, le ya Ogo kgoši ya Basani. ₂₃Wa ba atišetša bana bokanaledi tša legodimo; wa ba goroša mo nageng ye o e baletšego botatabo wa re e tlo ba ya bona. ₂₄Mme bana ba bona ba tsena go yona ba aga; Bakanana beng ba yona wa ba fenya ge go fihla bona; dikgoši tša bona, dilete tša bona, o di gafetše bona ba di dira ka mo ba ratago. ₂₅Ba thopa naga ya dibo le ya makhura, ba tšea nywako e tletšego thoto ya mehutahuta, le didiba tše di epilwego, le dirapa tša merara le mehlware le meremelewa e mentši. Ba ja ba khora ba huma, ba ipshina ka menate ka botho bjago bjo bogolo. ₂₆Mme bona ba nganga ba go hlanogela, ba lahla molao wa gago, ba na ba o fularela. Baboni ba gago ba go ba kgothatša ba ba bego ba re: ba boele go wena, ba ba bolaile, ba dira dilalogi tše dikgolo. ₂₇Wa ba wa ba gafela manaba a bona, a ba hlohla. Ya re ge ba pategile ba hlaboša mantšu ba go bitša; wa ba kwa o le godimong; mme ka mabobo a magolo wa ba nea banamodi, ba ba namola diatleng tša batlaiši bao. ₂₈Gomme ya re ge ba khutšišitšwe, ba buša ba go senyetša; mme wa ba lahlela matsogong a manaba a bona. Ya na ya re ge ba sokologa ba hlaboša mantšu ba go bitša, wa ba kwa o le godimong, wa ba hlakodiša ka mabobo a magolo ka mabaka a mantši. ₂₉Wa ba kgothatša wa re ba boele molaong wa gago; bona ka lonya ba gana go kwa taelo tša gago; ba senya mekgwa ya gago, ye e rego ge motho a e dira, a phela. Bona ba go fularela, ba nganga, ba gana go go kwa. ₃₀Wena wa fetša mengwaga e mentši o sa ba felele pelo, wa ba kgaya ka Moya wa gago, ka baporofeta bago. Bona ba gana go theetša; wa ba wa ba gafela mo atleng tša ba ditšhaba tša dinaga. ₃₁Fela, ka mabobo a magolo ago wa se ke wa ba fediša; wa se ke wa ba lahla. Gobane o Modimo wa dikgaugelo, yo lešoko. ₃₂Mme bjalo Modimo wa rena, wena Modimo e mogolo, Ramaatla, Mmoifegi, Mmotegikgweranong, Mmatabotho! Se nyatše ditlaišego tše di re wetšego, rena le kgoši tša rena, le bakgoma ba rena, le baporofeta le botatawešo, setšhaba sa gago ka moka, go tloga mehleng yela ya dikgoši tša Asuri, le nankhono. ₃₃Ka tšohle tše di re wetšego wena o dirile tše re swanetšego go di dirwa. Wena o re botegetše, gwa hlanoga rena. ₃₄Dikgoši tša rena, le bakgoma ba rena, le baperisita ba rena, le botatawešo, re sentše molao wa gago, re nyaditše taelo tša gago, le mabohlatse a gago a o ba filego ona. ₃₅Ga ba ka ba boa ba lahla mediro e mebe ya bona, ba ganne go hlankela wena mo mmušong wa bona, le ka menono ye o ba filego yona e mentši, le ge o ba neile naga ya bonami le bogale. ₃₆Ke ka baka leo ge lehono re bušwa go šele; re bahlanka re le mo nageng ye o e filego borrawešo wa re ba je dikenyo tša yona, menono ya yona. ₃₇Puno ya yona ke ya metšhelo ya dikgoši, tše o re beetšego tšona ka baka la dibe tša rena. Di re buša ka go ithatela mebele ya rena le ruo tša rena. Re mo tlaleong e kgolo.