DIEMA 11

₁Kelo ya go fora Morena o a e hlaswa; o thabela moelelo wo o lekanego.

₂Mo go yago letšeke, le dihlong di a ya; bohlale bo na le moipoetši.

₃Baloki ba etetšwa ke toko ya bona; bahlanogi ba senywa ke maaka a bona.

₄Mahumo ga phediše mohla wa bogale; lehung go hlakodiša bolo.

₅Bolo bja moloki bo tla mo thulela tsela; e mobe o kgopja ke bobe bja gagwe.

₆Moloki o phedišwa ke bolo bja gagwe; bahlanogi ba tlo tanywa ke tše ba bego ba di duma.

₇Motho mobe mohlalehu e ba go hloboga; go senyega poto ya dihlola.

₈Moloki o ntšhwa tlalelong; e mobe o tsena go yona.

₉Sehlola se senya sa gaso ka molomo; moloki o phologa ka se a se tsebago.

₁₀Motse o thabela mahlatse a baloki; o goloka ge babe ba loba.

₁₁Motse o gola ka ditšhegofatšo tša baloki; o thubja ke melomo ya ba babe.

₁₂Monyatšawagabo ga a na mogopolo; monna wa kelello o a ikhomolela.

₁₃Mobyaladitshele o senya ditaba; mmotegi o tseba dithopa.

₁₄Setšhaba go notlega sehlokamohlahli; leago le tla ka go ata baeletši.

₁₅Mothekgaethoko o swara bothata; mollamolaka o tlo iketla.

₁₆Mosadi yo botho o tlo huma tumo, boka yo matla ge a huma thuo.

₁₇Monna yo botho moitshetši, yo šoro ke moikgobatši.

₁₈E mobe o rua leruo la maaka; mobyalabolo o na le leruoruo.

₁₉Go loka sa ruri go iša bophelong; molatelabobe o ya lehung.

₂₀Morena o hlaswa wa pelo e kgopo; o kgahlwa ke ba tsela ya go loka.

₂₁Kgang še: Yo mobe a ka se ke a ba a hloka kotlo; e a tlo go phonyokga ke ngwana wa baloki.

₂₂O etša moruka nkong ya kolobe, mosadi yo botse moilabothakga.

₂₃Sellelwa sa baloki ke bothakga fela; seletelwa sa babe ke kotlo.

₂₄Go na le ba sa timego, ba go fela ba atelwa ke leruo; go na le wa tsebakgolo, mme e mo iša bohloking.

₂₅Go nona mosetšawagabo; mogelabang le yena o tlo gelwa.

₂₆Mokunabasedimabele o šala a rogilwe; go šegofatšwa hlogo ya mmapatši.

₂₇Motsogelatšebotse o tsoma tše di kgahlišago batho; e a gagamelago bobe, bo tlo mo tlela.

₂₈Potamahumo o tlo wa; baloki ba tlo taga boka matlakala a sehlare.

₂₉Moferekalapalagabo bohwa o ja phefo; setlatla e tlo ba molata wa yo pelo e bohlale.

₃₀Seenywa sa moloki ke hlare sa bophelo; mohlale o rua dipelo.

₃₁Hleng moloki o bona moputso faseng; le yo kgopo le mosenyi ba bona ya bona.