DIEMA 5

₁Ngwanaka! Thaetša hlale bja ka; tlhaloganyo yaka o e sekegele tsebe. ₂Ipolokelehle pelokeledi; mme melomo yago e be ya go diša tsebo. ₃Melomo ya mosadi e sego wa gago e rothiša todi ya dinose; legano la gagwe le thelela wa makhura. ₄Mafelo a tša gagwe, ona a baba wa lengana; o galefa wa lerumo la magale a mabedi. ₅Maoto a gagwe a wela lehung; nao tša gagwe di leba kwa bodulabahu. ₆Tsela tša gagwe ke go ratharatha a sa tsebe; ke ka gobane a sa sware tsela ya bophelo.

₇Gomme bjale, lena bana ba ka! Kwang nna! Le se tlogelane le polelo tša molomo waka. ₈A tsela yago e mo ngale; mojako wa ngwako wa gagwe o se o batamele, ₉o se tlo nea bašele bonatla bja gago, nywaga ya gago wa nea o šoro. ₁₀Matla a gago a se tlo ba a go horiša ba šele, kudumela yago e se tlo hola ba e sego beno. ₁₁O se tlo šala o golola, o tlogwa ke nama ya mmele wa gago. ₁₂Wa tlo re: Ke be ke reng ke nyatša tayo? Ke be ke reng ge pelo yaka e gana go solwa? ₁₃Ke be ke reng ke sa kwe lentšu la baruti baka? Ba ba bego ba nthuta, ke be ke reng ke ba kuna tsebe? ₁₄Ke nyakilo welwa ke bošulamoka ke le gara batho le phuthego.

₁₅Nwaa meetse a diba e lego sa gago, a tšwago mothopong wago. ₁₆Naa didiba tšago di seloga kua ntle? A nokana tša meetse di kua mekgobeng? ₁₇Go na le sa gago o nnoši, se se se nago le mong o šele, ge e se wena. ₁₈Sediba sa gago a se šegofale, o thabele mogatšago wa mehla yela o sa le yo mofsa; ₁₉yena moka tshephe go ratega, moka kome ka bonatla. A nke o fele o kgolwa ke botse bja gagwe; o fele o thabela rato la gagwe. ₂₀Ngwanaka! O ka thabela bjang o šele? O ka gokarela bjang mosadi e sego wa gago? ₂₁Hleng tsela tša monna di bonwa ke Morena! O hlatha dinao tša gagwe ka moka. ₂₂Mothomobe o tlo tanywa ke molato wagwe; o tlo tlengwa ke thapo tša dibe tša gagwe. ₂₃O tlo hwa a sa rutega; o timetša ke bogolo bja bošilo bjagwe.