PSALME ya 119

₁Ba lehlogonolo ke balokakatsela, ba swere melao ya Morena.

₂Ba lehlogonolo ke balota mabohlatse a agwe, ba a nyaka ka pelo ka moka.

₃Ke bao ba go ila bobe, ba tšea ka tsela ya gagwe.

₄O laetše gore ditaelo tšago di lotolwe sa ruri.

₅A ditsela tša ka di ke di loke ka go latela melao ya gago.

₆Ge nka hlokomela ditaelo tša gago ka moka, gona nka se lewe ke dihlong.

₇Ke tla ba ka go leboga ka pelothereši, ge ke ithuta mekgwa ya gago ya go loka.

₈Ke lota ditayo tša gago; a ke o se ntlogelele ruri.

₉Lesogana le ka thakga bjang tshepelo ya lona? Ka ge le lota lentšu la gago.

₁₀Ke go nyaka ka pelo ka moka; a nke ke se arogane le ditaelo tša gago.

₁₁Pelong ya ka ke boloka thuto ya gago, gore ke se dire se o se semago sebe.

₁₂A go retwe wena Morena; nthute melao ya gago.

₁₃Melomo ya ka a e be ya go bolela malaeledi a molomo wa gago.

₁₄Tsela ya mabohlatse ago ke e thabela go fetiša mahumo ka moka.

₁₅Ditaelo tša gago ke di eleletša ke lebeletše mmila wa gago.

₁₆Ke tlo ipshina ka mekgwa ya gago, mme mantšu a gago nka se a lebale.

₁₇Šetša nna molata wago, ke tle ke phele, ke hlokomele lentšu la gago.

₁₈O mpudule mahlo, ke bone mehlolo melaong ya gago.

₁₉Ke mofaladi lefaseng, se nkutele ditaelo tša gago.

₂₀Moya wa ka o goletšwe ke go hlologelwa moahlolelo wago mehla yohle.

₂₁O kgalema baipoti, ba dilalogi, ba go lahla ditaelo tša gago.

₂₂Nke o nthole bokgopo le nyatšego, gobane nna ke gomaretše mabohlatse ago.

₂₃Le ge magoši a ka dula a ntakana, nna molata wa gago ke eleletša ditaelo tša gago.

₂₄Mabohlatse a gago ke ona a nthabišago, ke baeletši ba ka.

₂₅Moya wa ka o gomaretše leroleng; mphediše ka lentšu la gago.

₂₆Ditsela tša ka ke a di bolela; nkwe O nthute melao ya gago.

₂₇O ntemoše tsela ya ditaelo tšago, ke hlathe mehlolo ya gago.

₂₈Moya wa ka ge o hlokofetše ka go ja pelo, o ntsoše ka lentšu la gago.

₂₉Nkefoše tsela ya maaka, o nthšetše ka melao yago.

₃₀Ke kgethile tsela ya therešo, ke itebanye le moahlolelo wago.

₃₁Morena, ke gomaretše mabohlatse a gago, a nke ke se lewe ke dihlong.

₃₂A nke ke sware ka tsela ya ditaelo tša gago, gobane o mphile pelo ya mafolofolo.

₃₃Morena, nthute tsela ya ditaelo tša gago, ke e sware e be e nkgoroše.

₃₄O nthlalefiše, ke latele melao ya gago, ke e hlokomele ka pelo ka moka.

₃₅O nthsepediše ka mohlala wa ditaelo tša gago, ka gobane di a nkgahla.

₃₆Ruta pelo ya ka go rata mabohlatse ago, e idiše dikganyogo.

₃₇Lahliša mahlo a ka go bogela tša lefela, o mphediše ka ditsela tša gago.

₃₈Go nna mohlanka wago phetha lentšu le o le neilego ba ba go boifago.

₃₉Siroša kgobogo ye ke e šiago; gobane se sebotse ke mekgwa ya gago.

₄₀Ruri, nna ke hlologetšwe ditaelo tšago; hle mphediše ka go loka ga gago.

₄₁Morena, a nke ke tlelwe ke botho bja gago; phološo ya gago e ntlele ka mo o boletšego;

₄₂ke tsebe go fetola monkgoboši, ka gobane ke botile lentšu la gago.

₄₃Lentšu la therešo a le se ke la ba la hlokega ganong ga ka, gobane ke leta kahlolo ya gago.

₄₄A nke ke lote melao ya gago ka mehla le mehla.

₄₅A nke ke sepele molaleng, gobane ke nyaka ditaelo tša gago.

₄₆Mabohlatse ago ke a bolela pele ga dikgoši, ga ke itšimeletše.

₄₇Malaeledi a gago ke a a thabela, ke ona a ke a ratago.

₄₈Malaeledi a gago ke a amogela ka diatla tša ka, ke ona a ke a ratago; ke gopola ditaelo tšago.

₄₉Tseba lentšu le o le boditšego nna molata wago, wa re ke holofele lona.

₅₀Ke lona le le nkhomotšago ge ke hlaka, gobane tše o di boletšego di a mphediša.

₅₁Baipoti ba nkwerile ka gogolo, mme nna ke se fapoge molao wa gago.

₅₂Morena, ke elelwa kahlolo tša gago tša kgale, ya ba go ikhomotša.

₅₃Ba babe ge ba lahla molao wa gago, ke tuka bogale.

₅₄Ditaelo tša gago ke sefela sa ka ge ke sa le mo ngwakong wa bodiiledi bja ka.

₅₅Morena, ke lala ke gopola leina la gago, mme melao ya gago ke a e boloka.

₅₆A nke ke tlwaele go lota ditaelo tšago.

₅₇Nna lehumo la ka ke Morena; ke realo ke lotola lentšu la gago.

₅₈Ke hlologetšwe sefahlego sa gago ka pelo ka moka; nkgaugele ka mo o boletšego.

₅₉Ke gopola ditsela tša ka, mme ke sokollela dinao tša ka mabohlatseng a gago.

₆₀Ke a akgofa, mme ga ke kgokgone go lotola ditaelo tšago.

₆₁Melao ya gago nka se e lebale, le ge ke theilwe ke mereo ya ba babe.

₆₂Le bošegogare ke a tsoga, ka go leboga dikahlolo tša gago tša toko.

₆₃Ke kwane le bohle ba go boifago, ba go hlokomela ditaelo tša gago.

₆₄Morena, botho bja gago bo tletše lefase; nthute melao ya gago.

₆₅Morena nna molata wago, o ntira tše botse ka mo o boletšego.

₆₆Nthute temogo e botse le tsebo, ka gobane ke dumetše ditaelo tšago.

₆₇Mola ke sešo ka boetšwa, ke be ke timela; mme bjalo ke bušwa ke thuto ya gago.

₆₈O yo botse le modirabotse; hle nthute ditaelo tša gago.

₆₉Baikgogomoši ba mpharile ka maaka; gomme nna ke gomarela ditaelo tša gago ka pelo ka moka.

₇₀Dipelo tša bona di reteletše wa makhura; ge e le nna ke thabela melao ya gago.

₇₁Nna ke kwa ke seditšwe ka go kokobetšwa, ya ba gona ke ithutilego ditaelo tšago.

₇₂Melao ya molomo wago e nkhola go fetiša gauta le disilifera tše dikete.

₇₃Diatla tša gago di ntirile di mpopile; hle mphe le tlhaologanyo, ke ithute ditaelo tšago.

₇₄Bao ba go boifago ba mpona ba thaba ka ge ke holofetše lentšu la gago.

₇₅Morena, ke tseba gobane dikahlolo tšago ke tša toko; mme o nkokobetša ka ge o mpotegetše.

₇₆A nke ke bewe pelo ke botho bja gago, ka mo o nthutilego, nna molata wago.

₇₇A nke ke tlelwe ke dikgaugelo tšago, ke phele ke tsefelwa ke molao wago.

₇₈Baipoti a ba lewe ke dihlong, ka gobane ba nkgobotla ka maaka; mme nna ke eleletša ditaelo tšago.

₇₉Gonna a go boele bao ba go boifago, ba tle ba tsebe mabohlatse ago.

₈₀Pelo ya ka a e loke ka ditaelo tša gago, gore ke se tlo lewa ke dihlong.

₈₁Moya wa ka o llela go phološwa ke wena; o hlologetšwe lentšu la gago.

₈₂Mahlo aka a lapetše thuto ya gago; ke re o tlo nkhomotša neng?

₈₃Le ge nka ka legapa mušing, nka se lebale melao ya gago.

₈₄Matšatši a molata wago a sa tlo ba makae? Bao ba ntlhakišago o tlo ba sekiša neng?

₈₅Baikgogomiši ba fata mereo ya go ntanya; ke bao ba se nago molao wa gago.

₈₆Malaeledi ohle a gago ke therešo; bona ba ntlhohla ka maaka; A ke o nkemele hle.

₈₇Ba nyakile go ntshenyetša ruri mo nageng; mme nna ditaelo tša gago ga nka ka di tlogela.

₈₈A ke o mphediše ka botho bja gago, ke tsebo diša bohlatse bja molomo wa gago.

₈₉Morena, lentšu la gago ke la neng le neng; le thekgilwe kua magodimong.

₉₀Potego ya gago ke ya meloko le melokoloko; lefase o le thekgile mme la ema.

₉₁Le lehono di sa eme ka mo o laetšego, gobane tšohle di a go hlankela.

₉₂Ge nkabe ke se bewe pelo ke molao wago, nkabe ke feletše tšhegong ya ka.

₉₃A nke ke se lebale ditaelo tšago neng le neng; ka gobane o mphediša ka tšona.

₉₄Nna ke wa gago; a ke o mphološe, ka gobane nna ke llela ditaelo tšago.

₉₅Ba babe ba lebeletše ge nka loba; mme nna ke tseba mabohlatse a gago.

₉₆Ke bona bofelo bja tšohle tše di phethegilego; se se se nago magomo ke ditaelo tša gago.

₉₇Melao ya gago ke e rata gakakang! Ke eleletša yona mehla yohle.

₉₈Ditaelo tša gago di nthuta bohlale ka phala manaba a ka, ka gobane di na le nna ka mehla.

₉₉Ka temogo nna ke phala ba ba nthutilego bohle, ka gobane keleletšo ya ka ke mabohlatse a gago.

₁₀₀Ke phala batala ka tlhaloganyo, ka gobane ke lotola ditaelo tša gago.

₁₀₁Dinao tša ka ke di ilela tselakgopo, gore ke ele lentšu la gago tlhoko.

₁₀₂Mekgwa ya gago ga ke arogane nayo gobane ke rutwa ke wena.

₁₀₃Thuto ya gago ga se ka go natefa, e phala dinose ganong ga ka.

₁₀₄Mo ditaelong tša gago ke tšea temogo e ntlhoišago ditsela tšohle tša maaka.

₁₀₅Lentšu la gago ke lebone la dinao tša ka, ke seetša tseleng ya ka.

₁₀₆Ke enne, mme ke tla ema fao, ka hlokomela mekgwa yago e mekgethwa.

₁₀₇Ke nyamile ka gogolo; Morena, mphediše ka lentšu la gago.

₁₀₈Morena, nke o kgahlwe ke dibego tša molomo wa ka, o nthute mekgwa ya gago.

₁₀₉Ke hlwe ke adibetša moya wa ka ka diatla, mme ga ke lebale molao wa gago.

₁₁₀Ba babe ba ntheile ka molaba; mme nna ga ke fapane le ditaelo tša gago.

₁₁₁Nna ruo la ka la go se fele ke mabohlatse a gago, gobane ke lona lethabo la pelo ya ka.

₁₁₂Ke tlwaetša pelo ya ka go phetha ditaelo tša gago; mme e tlo ba go boelwa ke tše di se nago go fela.

₁₁₃Ke hloile bahlokamaemo; ke rata molao wa gago.

₁₁₄Sephemo sa ka, kotse ya ka ke wena; ke holofetše lentšu la gago.

₁₁₅Bakgopo ntlogeleng! Nna ke gomarela ditaelo tša Modimo wa ka.

₁₁₆Nthekge hle ke eme ka thuto ya gago, ke tle ke phele, ke se tlo lewa ke dihlong ke senyegetšwe ke lehutšo.

₁₁₇Ntshware hle, ke phologe, ke dule ke thabela ditaelo tšago.

₁₁₈O nyatša bohle ba ba arogago ditaelo tša gago, gobane go fora ga bona ke maaka.

₁₁₉Ba babe bohle mo lefaseng o tlo ba okola bjalo ka mahulo; ke ka lebaka leo ke ratago mabohlatse ago.

₁₂₀Mmele wa ka ka moka o roromela ka go tšhoga wena, ge ke tšhoga moahlolelo wa gago.

₁₂₁Nna ke dirile ka molao le go loka; a ke o se nkgafele diatleng tša ba ba ntlhakišago.

₁₂₂Nnamolele nna molata wago, o nkiše go tše botse; gore baikgogomoši ba se ntlhakiše.

₁₂₃Mahlo a ka a lapetše go phološwa ke wena, a lebeletše thuto yago ya go loka.

₁₂₄Mohlanka wa gago mo dire ka botho, o nthute ditaelo tša gago.

₁₂₅Ke mohlanka wago, mphe temogo le go tseba mabohlatse a gago.

₁₂₆Lebaka la gore go dire wena Morena ke lona le; gobane ba senya molao wa gago.

₁₂₇Ke ka lebaka leo ke ratago ditaelo tša gago go fetiša digauta, le digauta tše di tšwago meubeng.

₁₂₈Ke ka lebaka leo ke emago le ditaelo tša gago, ka hloya ditsela tšohle tša maaka.

₁₂₉Mabohlatse a gago ke dimakatšo; ke ka lebaka leo moya wa ka o di lotolago.

₁₃₀Lentšu la gago ge le bulwa le a bonegela, le hlalefiša ba hlokago tsebo.

₁₃₁Ke ahlama molomo ke kgalegile, ke hlologetšwe ditaelo tša gago.

₁₃₂Retologela go nna o nkgaugele, ka mokgwa o lebanego barati ba leina la gago.

₁₃₃Mešitso ya ka a e tie ka thuto ya gago, go se be le bokgopo bjo bo kago mpuša.

₁₃₄Nnamolele ge batho ba ntlhakiša, ke kgone go lotola ditaelo tša gago.

₁₃₅A sefahlego sa gago se bonegele nna molata wa gago, o nthute melao ya gago.

₁₃₆Mahlo a ka a ela nokana tša meetse, ka gobane ba sa šetše melao ya gago.

₁₃₇Moloki ke wene Morena, le moahlolelo wa gago ga o na bosodi.

₁₃₈Go loka ga mabohlatse ago go laetšwe ke wena, ke therešo ruri.

₁₃₉Ke feroga dibete ka ge ba ba mpekago ba lebetše mantšu a gago.

₁₄₀Thuto ya gago e sekile ruri, mme nna molata wago ke e ratile.

₁₄₁Nna ke mmotlana monyatšegi, fela ditaelo tša gago ga ke di lebale.

₁₄₂Go loka ga gago ke go loka go ya go ile, mme molao wa gago ke therešo.

₁₄₃Le ge ke hweditšwe ke mehlako le dikgakanego, lethabo la ka ke ditaelo tša gago.

₁₄₄Go loka ga mabohlatse ago ke ga neng le neng; hle ntemoše tšona gore ke phele.

₁₄₅Ke rapela ka pelo ka moka; hle nkwe, Morena! Ke gomaretše ditaelo tšago.

₁₄₆Ke bitša wena gore o mphološe, ke lote mabohlatse a gago.

₁₄₇Ke raka mahube pele ke goelela, ke letela lentšu la gago.

₁₄₈Mahlo a ka a raka tišo tša bošego pele, gore ke akanye dithuto tša gago.

₁₄₉Morena, o kwe lentšu la ka ka botho, o mphediše ka mokgwa wa gago.

₁₅₀Ke batamelwa ke ba nkgobotlago ka tše mpe; ke ba ba lego kgole le molao wa gago.

₁₅₁Morena, o kgauswi; gomme ditaelo tša gago ka moka ke therešo.

₁₅₂Ke kgale ke tseba mabohlatse ago, gobane o a theetše mehla e sa felego.

₁₅₃Lebelela tšhego ya ka o mphološe, gobane melao ya gago ga ke e lebale.

₁₅₄Nkahlolele ditaba tša ka, o nkhumele, o mphediše ka thuto ya gago.

₁₅₅Phološo e kgole le babe, gobane ga ba latiše melao ya gago.

₁₅₆Morena, dikgaugelo tšago ke tše ntši; hle mphediše ka mokgwa wa gago.

₁₅₇Ba ba ntlhakišago le ba ba mpekago ba atile; mme nna ga ke fapoge mabohlatse a gago.

₁₅₈Bahlanogi ke ba bona ka ba hlaswa; ke bao ba go se lote dithuto tša gago.

₁₅₉Morena, a ke o mpone ka mo ke ratago ditaelo tšago, o mphediše ka botho bja gago.

₁₆₀Se segolo sa lentšu la gago ke ge e le therešo, mme mekgwa ya gago ya go loka e le ya mehla ya neng le neng.

₁₆₁Ba ba ntlhakišago ka lefela ke ba bagolo; fela, se pelo ya ka e se boifago ke lentšu la gago.

₁₆₂Thuto ya gago ke e thabela bjalo ka ba ba boago ba rebotše kudu.

₁₆₃Maaka ke a hloile, ke hwetša e le makgapha; se ke se ratago ke molao wa gago.

₁₆₄Ke go reta gašupa ka letšatši ka lebaka la moahlolelo wa gago wa go loka.

₁₆₅Molaomogolo o na le bao ba ratago melao ya gago; ga ba na se ba kgopišago.

₁₆₆Morena, ke letetše phološo ya gago, mme ke dira ka ditaelo tša gago.

₁₆₇Moya wa ka o lotola mabohlatse ago, ke a rata gagolo.

₁₆₈Ke lotola ditaelo tšago le mabohlatse ago, ka gobane ditsela tša ka tšohle di pele ga gago.

₁₆₉Morena, sello sa ka a se fihle pele ga gago; a ke o nthute ka lentšu la gago.

₁₇₀Thapelo ya ka a e ke e go fihlele, mme o mphološe ka mo o boletšego.

₁₇₁A melomo ya ka e tšhologe ditheto, ge o nthuta ditaelo tša gago.

₁₇₂Leleme la ka le tlo tlotla dithuto tša gago, gobane ditaelo tša gago ka moka ke tšaago loka.

₁₇₃Seatla sa gago a se ke se nthuše, gobane ke ikgethetše ditaelo tšago.

₁₇₄Morena, ke hlologetšwe go phološwa ke wena, mme molao wago ke lethabo la ka.

₁₇₅A moya wa ka o phele o go rete, mme moahlolelo waago o ntlhakodiše.

₁₇₆Ge nka hlahlatha boka nku e timetšego, o nnyake nna molata wago, gobane ditaelo tša gago ga ke di lebale.