PSALME ya 124

₁Mola Morena a ka be a sa ka a ema le rena, -- a Isiraele a realo, --

₂Mola Morena a ka be a sa ka a ema le rena mola batho ba re tsogetše,

₃Ba kabe ba re meditše re sa phela mola bogale bja bona bo re tukela,

₄Meetse a kabe a re khupeditše, mafula a re feta ka godimo.

₅Mafula a boikgogomošo a ka be a feta meoya ya rena ka godimo.

₆Morena a a lebogwe ge a sa ka a re gafela menong a bona ra gagolwa.

₇Meoya ya rena e phonyokgile bjalo ka nonyana ge e phonyokgile molabeng wa morei; lenti le kgaogile, mme rena re phologile.

₈Tlhakodišo ya rena e leineng la Morena, e a dirilego legodimo le lefase.