PSALME ya 137

₁Dinokeng tša kua Babele, ke mo re bego re dutše re lla, re gopola Tsione.

₂Diletšo tša rena re be re di fegile megokareng ya gona.

₃Re le ntshe bathopi ba rena ba re lopa ba re re opele; batlaiši ba rena ba re: Thabang, le re kgaele koša ya Tsione.

₄Gomme re ka hlaba bjang sefela sa Morena mo nageng e šele?

₅Jerusalema, ge nka go lebala, gona a go lebalwe tsogo la ka le letona!

₆Gona leleme la ka a le nkgomarele magalapa, ge nka se go gopole, ge nka lesa go re: Jerusalema ke lona lethabo la ka le legolo!

₇Morena, gopola ba gaEdomo, bao mohla wola wa Jerusalema ba itšego: Phušolang! Phušolang! Le gome ka metheo!

₈Wena morwedi wa Babele! O wa go tlo thubja. Mahlogonolo a a tlele eo a go lefetšago se o re dirilego sona.

₉Mahlogonolo a a tlele eo a tlogo swara masea a gago, a a pšhatlaganya leswikeng.