PSALME ya 141

₁Morena, ke a go bitša; a ke o se ntiegele, o tle; o kwe lentšu la ka ge ke go rapela.

₂Thapelo ya ka o e seme seorelo; ge ke emiša diatla tša ka, e ke sebego sa mantšiboa.

₃Molomo wa ka o beele mohlapetši, moleti wa mojako wa molomo wa ka.

₄A pelo ya ka e se sekamele taba e mpe, ke se ke ka dirišana le banna ba disenyi ge ba dira bobe, ke se ke ka ja tše di ba tsefelago.

₅Ge moloki a nkotla, gona ke lerato; ge a nkgalema, ke go tlola hlogo ka makhura; hlogo ya ka ga e gane ge a boeletša; ke yona thapelo ya ka dibeng tša ka.

₆Bona, babuši ba bona ba tlo ušetšwa mefatšeng; mme polelo tša ka ba tlo di kwa e le tše monate.

₇Rena re etša naga ge e kgathilwe ya lengwa, mašapo a rena a gašanyeditšwe mojako wa bodulabahu.

₈Ka kgonthe, mahlo a ka a lebile wena Morena Mong wa ka; ke khuta ka wena, a ke o se ntahle hle.

₉Nkefoše melaba ya ba ntheilego, le mereo ya basenyi.

₁₀Ba babe a ba tanywe ke melaba ya bona gammogo, mme nna ke kgone go feta.