Iinkcukacha ezongezelelweyo

PSALME ya 54

Ya mohlabeledi, ka makope. Thuto ya Dafida. Ke ya mohla wola Basifi ba tlile go Saulo ba re: A o tseba gore Dafida o iphihlile kua ga gešo?

₁Modimo, mphološe ka leina la gago; o nkahlolele ka maatla a gago.

₂Modimo kwaa thapelo ya ka; o utlwele ruri ge ke bolela.

₃Ka gobane ke tsogetšwe ke ba mathoko; ke theilwe ke batho ba bašoro; ke ba go se itebanye le Modimo.

₄Anthe, nna mohlakodiši wa ka ke Modimo; Mong a ka ke yena monthekgapelo.

₅Ba ba ntalelago o tlo ba bušetša tše di mpe tšeo; a ke o ba šwalalanye ka ge o mpotegetše.

₆Ke tlo go tlišetša sebego ka go ithapa, ka leboga leina la gago, Morena, gobane ke le lebotse.

₇Gobane o mphološa dikotsing ka moka; mme mahlo a ka a bona tše manaba a ka a dirwago tšona.