PSALME ya 61

₁Modimo, kwaa ge ke go llela; o theetše thapelo ya ka.

₂Ke go bitša, pelo ya ka e goletšwe, ke le kgole mo naga e gomago gona. Nnametše lentswe letelele le le mpalelago.

₃Gobane setšhabelo sa ka ke wena; o sebo sa ka se se tiilego ge ke tšhaba manaba.

₄A nke ke yo dula mo Ngwakong wa gago ka mehla le mehla; ke khute ke phemelwe ke diphego tša gago.

₅Gobane wena Modimo o kwile keno tša ka; gomme ba ba boifago leina lago o ba abetše bohwa.

₆Phediša kgoši galelele, mme nywaga ya gagwe o e atiše a bone ditlogolo le ditlogolwana.

₇A a dule a le gona neng le neng, a le pele ga sefahlego sa Modimo; roma botho le therešo di mo lete.

₈Ke mo ke tlogo hlaba sefela sa leina la gago go ya go ile, ka phetha dikeno tša ka ka mehla le mehla.