PSALME ya 72

₁Modimo, nea kgoši melao ya gago mme morwa wa kgoši o mo fe toko ya gago kahlolong.

₂A tsebo ahlolela setšhaba sa gago ka toko, a buše babotlana bago ka molao.

₃Dithaba le meboto a di tšweletše molao wa setšhaba ka go loka.

₄O tlo ahlolela babotlana ba setšhaba, o tlo thuša bana ba bahumanegi; mme bapateletši a ba šilakanya.

₅Ba tlo boifa wena ba sa hlabelwa ke letšatši, ba sa bona dikgwedi go ya ka meloko le meloko.

₆A e etše tsheola ge e tloromela pilo; a etše mookodi wa pula ge o nošetša naga.

₇Mehleng ya gagwe go tage moloki, molao o gole o eya le dikgwedi di sa kgaotše go balama.

₈Mmušo wa gagwe o tlo goma ka lewatle thoko tšohle, go tloga nokeng go fihla mafelelong a lefase.

₉Ba ba agilego mašokeng ba tlo mo lotšha, manaba a gagwe a koma lerole.

₁₀Dikgoši tša kua Tarasisi le tša dihlakehlake di tlo itiga ka dibego. Dikgoši tša Arabia le tša Saba di tlo ipega ka diloba.

₁₁Dikgoši tšohle di tlo lotšha yena; ditšhaba tšohle di tlo mo hlankela.

₁₂Gobane o tlo hlakodiša modiitšana ge a lla, le mohlaki ge a hloka monamodi.

₁₃O tlo gaugela mosenyi le mohloki; meoya ya bahumanegi o tlo e phološa.

₁₄Meoya ya bona o tlo e lokolla mohlakong, bošorong; mme madi a bona o tlo a sema selo se bohlokwa.

₁₅O tlo phela; gomme ba tlo mo ntšhetša digauta tša Arabia. Ba tlo fela ba mo rapelela, ba mo šegofatša mehla yohle.

₁₆Go tlo ba le mohora wa mabele mo nageng; diphogong tša thaba mere ya dienywa e tlo gwaša boka Libanoni; gomme mo metseng batho ba tlo taga bjalo ka dimela tša lefase.

₁₇Leina la gagwe e tlo ba la neng le neng; le tlo tšwelela la yo fihla mo letšatši le fihlago gona. Batho ba tlo itšhegofatša ka yena, ditšhaba ka moka tša reta lešego la gagwe.

₁₈A go retwe Morena Modimo wa Isiraele, modiramehlolo a nnoši.

₁₉Go retwe leina la gagwe la borena bja neng le neng, dinaga ka moka di tlale letago la gagwe. Amene, Amene. Ke mo go felago dithapelo tša Dafida morwa wa Isai.