UJakopo ufudukela eGibhide nomndenakhe
1Yeke u-Israyeli wasuka wakhamba nakho koke kwakhe. Kwathi lokha nakafika eBheritjheba wenza imihlabelo kuZimu kayise u-Isaka.
2UZimu wakhuluma no-Israyeli ebusuku ngombono wathi: “Jakopo! Jakopo!”
Yena wathi: “Ungubani?”
3UZimu wathi: “NginguZimu, uZimu kayihlo. Ungasabi ukwehlela eGibhide ngombana ngizokwenza ube sisizwe esikhulu lapho. 4Mina ngokwami ngizakwehlela nawe eGibhide bese ngiyakubuyisa godu. NguJosefa ngesandla sakhe ozakuvala amehlo nawuhlongakalako.”
5Nje-ke uJakopo watjhiya iBheritjheba. Amadodanakhe amkhweza yena nabantwabawo nabafazi eenkoloyaneni uFaro azithumela bonyana athuthwe ngazo. 6Godu athatha imihlambawo nefuywawo egade ayibuthelele enarheni yeKanana, aya eGibhide. Ngaleyondlela uJakopo neenzukulwana zakhe 7waya eGibhide: yena, amadodanakhe, amadodakazakhe, abantwana babantwabakhe okutjho zoke iinzukulwana zakhe.
8Naka amabizo wama-Israyeli akhamba noJakopo eGibhide kanye neezukulwana abelethelwa zona:
URubeni izibulo lakaJakopo.
ngu-Inogo, uPalu, uRhetsironi noKarimi.
nguJemuweli, uJamini, u-Ohadi, uJakini, uTsorhari noSawula indodana yomfazi weKanana.
nguGeritjhoni, uKhehathi noMerari.
ngu-Eri, u-Onani, uTjhela, uPeretsi noZerarhi. (U-Eri no-Onani gade sebahlongakele lokha nakusukwa eKanana.)
nguTola, uPuwa, uJobho noTjhimroni.
nguSeredi, u-Eloni noJarhiliyeli.
15(Lawo bekumadodana uLeya awabelethela uJakopo ePadana-Aramu, ngaphandle kwendodakazakhe uDina. Zoke iinzukulwana zakhe ezimadodana namadodakazi bezimatjhumi amathathu nazintathu.)
nguTsifiyoni, uRhagi, uTjhuni, u-Etsiboni, u-Eri, u-Arodi no-Areli.
nguJimina, uJitjhiva, uJitjhivi noBheriya. (Udadwabo gade kunguSerarhi.)
18(Lezo bekuziinzukulwana zakaZilipha ezabelethelwa uJakopo. UZilipha bekuyincekukazi uLabani ayipha indodakazakhe uLeya. Zoke iinzukulwana zakhe bezilitjhumi nathandathu.)
19Amadodana womkaJakopo uRarheli:
20(EGibhide kwabelethwa uManase no-Efrayimu. Bona bebabantwana bakaJosefa ababelethelwa ngu-Asenathi indodakazi kaPothi-Fera umphristi we-Oni.)
21Iinzukulwana zakaBhenjamini:
nguBhela, uBhekere, u-Atjhibeli, uGera, uNamani, u-Erhi, uRotjha, amaMupi, amaRhupi no-Aradi.
22(Lezo bekuziinzukulwana zakaRarheli ezabelethelwa uJakopo. Zoke iinzukulwanezo bezilitjhumi nane.)
nguJarhitsiyeli, uGuni, uJetseri noTjhilemu.
25(Lezo bekuziinzukulwana zakaBhilirha ezabelethelwa uJakopo. UBhilirha bekuyincekukazi uLabani ayipha indodakazakhe uRarheli.)
26Boke abaya eGibhide noJakopo ebegade baziinzukulwana zakhe ngenyama, ngaphandle kwabomalukazana bakhe, bebamatjhumi asithandathu nabathandathu. 27Amadodana kaJosefa abelethelwa wona eGibhide gade amabili. Yeke woke umndeni kaJakopo owanzinza eGibhide gade umatjhumi alikhomba.
28UJakopo wathumela uJuda bona akhambe phambili ayokubuza indlela eya eGotjheni kuJosefa. Kuthe bona bafike esifundeni seGotjheneso, 29uJosefa wabophela ikaranakhe waya khona ukuyokuhlangabeza uyise u-Israyeli. UJosefa wathi nakabona uyise, waziphosa phezu kwakhe wamgona, walila isikhathi eside.
30U-Israyeli wathi kuJosefa: “Ngombana nakhu sele ngibone ubuso bakho, ngabona bonyana uyaphila, awa njekhona sengingafa-ke.”
31UJosefa wathi kibomnakwabo nemndenini kayise: “Ngizakhuphuka ngiyonibika kuFaro ngithi kuye, ‘Abomnakwethu nomndeni woke wakababa ebegade bahlala enarheni yeKanana sebafikile kimi. 32Amadoda wakhona abelusi. Iye, madoda afuyileko. Nje-ke eze nemihlambi yezimvu, yeembuzi, neenkomo nayo yoke ifuyo anayo.’ 33Kuzakuthi lokha uFaro nanibizako anibuze bona nazi msebenzi bani, 34nithi kuye, ‘Iinceku zakho zimadoda afuyileko, ukusukela ebusaneni bekube namhlanje. Thina-ke sifuze abobaba.’ Ngaleyondlela nizakuvunyelwa bonyana nihlale esifundeni seGotjheni ngombana amaGibhide ayabanyenya abelusi.”
