UJOBHO 25

₂“Igunya nokwesabeka kungekwakaZimu,

yena ugcina ukuthula ekuphakameni kwezulu lakhe.

₃Ngubani ongabala amabuthwakhe?

Ukukhanya kwakhe kukiyo yoke indawo.

₄Alo, obhubhako angaba ngolungileko njani phambi kwakaZimu?

Angaba msulwa njani obelethwe mfazi?

₅Nakube ngitjho nenyezi ayikacwebi

neenkwekwezi azikhanyeli emehlwenakhe,

₆kangangani-ke obhubhako, oziimpethu kwaphela,

iye, indodana yomuntu esibungu sakosibungu!”