AMARHUBO 100

Hlokomelani uSomnini nina bephasi loke!

₂Lotjhani uSomnini ngokuthaba,

nize phambi kwakhe ngehlokomo.

₃Yazini bona uSomnini unguZimu.

Nguye owasidalako, singebakhe;

thina sibabantu bakhe

nefuyo yedlelo lakhe.

₄Ngenani emasangwenakhe ngokuthokoza

nesirhodlweni sakhe ngokudumisa;

mthokozeni, nibabaze ibizo lakhe!

₅Mbala, uSomnini ulungile,

ukwethembeka kwakhe kujame isiphelani

nobuqotho bakhe iinzukulwana ngeenzukulwana.