AMARHUBO 125

Abethemba uSomnini

bafana nentaba yeZiyoni

engeze yanyakaziswa,

kodwana ijame isiphelani.

₂Njengeentaba zizombeleze iJerusalema,

ngokunjalo uSomnini uzombeleze abantu bakhe,

kusukela nje bekube nini nanini.

₃Intonga yobukhohlakali

angeze yahlala phezu kwelifa

elabelwe abalungileko

ukuze abalungileko bangabeki

isandla sabo ebumbini.

₄Somnini, phatha abalungileko kuhle,

iye, labo abaqotho ngehliziyo.

₅Kodwana labo abaphendukela

eendleleni zamabatha,

uSomnini akabaqotjhe neengilamkhuba.

Ukuthula akube phezu kwaka-Israyeli.