Iinkcukacha ezongezelelweyo

AMARHUBO 127

₁Ingoma yekhambo lokuya ethempelini; irhubo lakaSolomoni.

Lokha uSomnini nakangakhi indlu,

iinthukuthuku zabakhi zililize.

Lokha uSomnini nangalindi idorobho,

abalindi bagada ilize.

₂Kulilize bona nivuka ekuseni,

niphumule ebusuku ngemva kwesikhathi,

nidle ukudla enikujulukeleko.

USomnini upha ngokwaneleko

amthandako asalele.

₃Qala, abantwana

balilifa elivela kuSomnini;

isithelo sesibeletho simvuzo ovela kuye.

₄Njengemisubela esandleni sengorho,

banjalo abantwana bobutjha.

₅Ibusisiwe indoda

ezalise incilayo ngemisubela leyo.

Angeze yaba neenhloni

lokha nayimangalela amanabayo ebandla.